Yawrupa birliki xitay sodisi heqqide yéngi siyaset belgilidi


2006.10.24
Share on WhatsApp
Share on WhatsApp

24 ‏- Öktebir küni yawrupa birliki xitay bilen bolghan tijaritidiki yéngi siyaset xaraktérlik höjjitini élan qilip , xitayni bikiniwilishtin saqlinip bazarlirini chet'el mebliqige échiwitishke chaqirdi.

Höjjette otturigha qoyulushiche ,yawrupa birliki komitéti xitay mallirining yawrupa bazarliridiki paxallishish halitini özgertishige we riqabet küchini ashurushigha yardem béridighanliqini eskertken.

Bultur yawrupaning soda balanis perqi 125 milyard amérika dolliri bolup , köpligen yawrupa döletliri hökümetliri öz döletlirining ishlepchiqirishini qoghdashqa mejbur bolghan. Höjjette xitayning chet'el shirketlirige qaritilghan tosalghu xaraktéridiki belgilimilirini azaytip , özining emgek we muhit qoghdash tedbirlirini köcheytishi lazimliqi tekitlen'gen. Höjjette yene mundaq dep körsitilgen " eger bu xil mesililer hel qilinmaydiken , yawrupa birlikining ichkiy qismida xitay mallirigha bazarni échiwitishke qarshi turushtin ibaret siyasiy bésim téximu köchiyishi mumkin ". Yawrupa birliki höjjetning dunya muhiti we ékologiyisi heqqide toxtalghan qismida néfit we tebi'iy gazgha jiddiy muhtaj boluwatqan xitayning dunya énirgiye bazirida aktip we mes'uliyetchan bolushtek rol oynishi kérekliki alahide bildürülgen. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.