Хитай, филиппин билән болған дипломатик мунасивитини күчәйтишкә урунмақта


2005.04.26
Share on WhatsApp
Share on WhatsApp

Хитай дөләт рәиси ху җинтав филиппин билән болған алақисини күчәйтиш үчүн, сәйшәнбә күни кәчтә манилаға йитип келип, филиппинға қилидиған үч күнлүк зияритини башлиди.

Америка бирләшмә ахбарат агентлиқиниң хәвиригә қариғанда, ху җинтав зиярити җәрянида, филиппин парламентида нутуқ сөзләйду һәмдә президент арройо билән бирликтә икки дөләт арисида бир милярд йүз милйон долларлиқ сода келишиминиң имзалинишини көздин кәчүриду.

Филиппин даирилири, сода вә мәбләғ селиш мәсилисиниң икки дөләт рәһбәрлириниң асаслиқ музакирә темиси болидиғанлиқини билдүрди. Хитай филиппинниң шәрқий җәнубий асиядики бәшинчи чоң сода ширики болуп, филиппингә мәбләғ селишни күчәйтмәктә иди.

Хәвәрдә ейтилишичә, икки дөләтниң гәрчә җәнубий җоңго деңизидики сипартли тақим араллири мәсилисидә территорийә ихтилапи болсиму, бирақ йеқинқи йиллардин буян, икки тәрәп сиясий вә дөләт мудапиә һәмкарлиқини тез тәрәққи қилдурған. Бу йил мартта, хитай түнҗи қетим филиппингә һәрбий ярдәм һисабида ианә бәргән. Филиппин дөләт мудапиә әмәлдарлириму, хитай билән болған һәрбий һәмкарлиқни күчәйтип, офитсерлирини хитайға әвәтип тәрбийиләшни халайдиғанлиқини билдүргән иди.

Хәвәргә қариғанда, хитай дөләт рәиси ху җинтав филиппинни зиярәт қилишниң һарписида, бәш нәпәр филиппинлиқ фалүнгуң мурити у чүшмәкчи болған меһманханиниң алдида намайиш өткүзүп, хитай һөкүмитиниң фалүнгуң муритлириға қилған зиянкәшликигә наразилиқ билдүргән. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт