Хитай- франсийә ядро келишими кечиктүрүлди


2007-07-30
Share

31- Июл сәйшәнбә күни имза қоюлуш пиланланған, франсийә ядро реактор қурулуш ширкити арева гуруһи( Areva) хитайға икки данә ядро електир истансиси қуруп бериши бекитилгән хитай-франсийә ядро келишими кечиктүрүлди.

Франсийә агентлиқиниң 30- июл бәргән хәвиридә көрситилишичә, келишимни имзалаш ишлири кечиктүрүлгән болсиму, мәлум болушичә, келишим принсиплири вә мәзмунида һечқандақ өзгиришләр болмиған.

Франсийә ядор қурулуш ширкити, " техникилиқ вә вақит орунлаштуруш мәсилиси сәвәблик, 31- июл күни бекитилгән имза һасил қилиш күни кечиктүрүлди" дәп билдүргән болсиму, әмма бу һәқтә коп тохтилишни халимиған.

Әсли пилан буйичә, франсийә иқтисад министири киристин лагарде сәйшәнбә күни хитай пайтәхти бейҗиңға берип хитайға қуруш пиланланған явропаниң 3 ‏- әвлад бесими ашурулған реактори(EPR) келишимини имзалаш мурасимиға қатнашмақчи иди.

Бу 8 милярд долларлиқ ядро келишими, франсийә арева ядро гуруһи тарихидики әң чоң келишим болуп, келишим арева гуруһи билән хитайниң гуаңдуң ядро енергийә електир ширкити арисида елип берилмақчи иди. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт