Чегрисиз мухбирлар тәшкилати саркозидин хитай зияритидә кишилик һоқуқни оттуриға қоюшни тәләп қилди

Мәркизи париждики мухбирлар һоқуқини қоғдиғучи - чегрисиз мухбирлар тәшкилати, ноябир күни хитай зияритини башлайдиған франсийә президенти ноколас саркозидин хитай сәпиридә бейҗиң рәһбәрлирини хитай кишилик һоқуқ хатирисини яхшилаш, болупму хитай түрмисидики 83 нәпәр мухбир вә интернет язғучисини қоюп беришкә чақиришни тәләп қилди.

Лекин бирләшмә ахбарат агентлиқиниң әскәртишичә, саркозиниң зияритидә кишилик һоқуқ мәсилиси франсийә рәһбириниң күн тәртипидики муһим мәсилиләр қатаридин орун алмаслиқи мумкин. Гәрчә франсийилик әмәлдарлар саркозиниң хитай дөләт рәиси ху җинтав вә баш министир вен җябавлар билән көрүшкәндә кишилик һоқуқ мәсилисини оттуриға қойидиғанлиқини билдүргән болсиму, лекин музакирә күн тәртипидики темиларниң муһит, сода мунасивәтләр, африқа мәсилиси, хитайниң хәлқарадики роли вә икки дөләт көңүл бөлидиған мәсилиләрни өз ичигә алидиғанлиқини билдүрмәктә.

Бирләшмә ахбарат агентлиқи болса франсийә кишилик һоқуқи министири рама ядениң франсийә зиярәт өмикидин орун алмиғанлиқини, лекин саркози өткән қетим америкини зиярәт қилғанда рама ядениң зиярәт өмикигә қетилғанлиқини әскәртти.

Франсийә әмәлдарлириниң әскәртишичә, саркози хитай сәпиридә бейҗиң рәһбәрлирини " доллар билән хәлқ пулиниң қиммитини адил тәңшәшкә" қистиши мумкин. Игилишимизгә қариғанда , саркози йәкшәнбә күни алди билән хитайниң шиән шәһиригә чүшүп, бу йәрдә "биңмаюң"ни зиярәт қилиду. Андин шу күни бейҗиңға берип, ху җинтав билән кәчлик тамақ йәйдикән. Ху билән саркозий дүшәнбә күни рәсмий сөһбәт өткүзүши мумкин. (Әркин)