Chégrisiz muxbirlar teshkilati sarkozidin xitay ziyaritide kishilik hoquqni otturigha qoyushni telep qildi


2007-11-23
Share

Merkizi parizhdiki muxbirlar hoquqini qoghdighuchi - chégrisiz muxbirlar teshkilati, noyabir küni xitay ziyaritini bashlaydighan fransiye prézidénti nokolas sarkozidin xitay sepiride béyjing rehberlirini xitay kishilik hoquq xatirisini yaxshilash, bolupmu xitay türmisidiki 83 neper muxbir we intérnét yazghuchisini qoyup bérishke chaqirishni telep qildi.

Lékin birleshme axbarat agéntliqining eskertishiche, sarkozining ziyaritide kishilik hoquq mesilisi fransiye rehbirining kün tertipidiki muhim mesililer qataridin orun almasliqi mumkin. Gerche fransiyilik emeldarlar sarkozining xitay dölet re'isi xu jintaw we bash ministir wén jyabawlar bilen körüshkende kishilik hoquq mesilisini otturigha qoyidighanliqini bildürgen bolsimu, lékin muzakire kün tertipidiki témilarning muhit, soda munasiwetler, afriqa mesilisi, xitayning xelq'aradiki roli we ikki dölet köngül bölidighan mesililerni öz ichige alidighanliqini bildürmekte.

Birleshme axbarat agéntliqi bolsa fransiye kishilik hoquqi ministiri rama yadéning fransiye ziyaret ömikidin orun almighanliqini, lékin sarkozi ötken qétim amérikini ziyaret qilghanda rama yadéning ziyaret ömikige qétilghanliqini eskertti.

Fransiye emeldarlirining eskertishiche, sarkozi xitay sepiride béyjing rehberlirini " dollar bilen xelq pulining qimmitini adil tengsheshke" qistishi mumkin. Igilishimizge qarighanda , sarkozi yekshenbe küni aldi bilen xitayning shi'en shehirige chüshüp, bu yerde "bingmayung"ni ziyaret qilidu. Andin shu küni béyjinggha bérip, xu jintaw bilen kechlik tamaq yeydiken. Xu bilen sarkoziy düshenbe küni resmiy söhbet ötküzüshi mumkin. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet