Dunya Uyghur qurultiyi Uyghur mesilisini gérmaniye bash ministirining semige saldi
2007.08.24
Merkizi gérmaniyining myunxén shehiridiki dunya Uyghur qurultiyining jüme küni ashkarilishiche, mezkur organ kéler hepte xitayni ziyaret qilidighan gérmaniye bash ministiri anjéla markélgha xet yézip, uning xitay ziyaritide Uyghur kishilik hoquq mesilisini otturigha qoyushini telep qildi.
Xette, gérmaniye bash ministirining xitay rehberlirige Uyghur siyasiy mehbuslarni qoyuwétish, Uyghur aptonom rayonida keng-kölemlik yolgha qoyuliwatqan ölüm jazasini bikar qilish, emgek bilen özgertish lagirlirini taqash we xitay köchmenlirini köchürüshni toxtitish toghrisida bésish ishlitishni ümid qildi. Xette mundaq deydu, "xitay hökümitining siyasiti Uyghur xelqining medeniylishish jeryani, medeniyiti, diniy we mewjütliqigha tehdit salmaqta."
Dunya Uyghur qurultiyi yene, xitay da'irilirining rayonda kishilerni basturush, xalighanche tutqun qiliwatqanliqini, siyasi mehbuslargha ölüm jazasi bériwatqanliqini, bolupmu öktichilerning a'ile-tawabi'ati pakitsiz türmige tashliniwatqanliqini eskertip, dunya Uyghur qurultiyi re'isi rabiye qadir xanimning türmidiki oghlini qoyup bérishke heydekchilik qilishni telep qildi. Xette, markélning rusiye sepiride kishilik hoquqni otturigha qoyghanliqini alahide eskertip, "rusiyide toghra bolghan nerse, xitayda xata bolmaydu," dep körsetti.
Gérmaniyining xitaydiki bash elchisi wolkér stanzélning eskertishiche, an'géla markél bu sepiride xitayning gu'angju, nenjing we chéngdu sheherlirini ziyaret qilip, sheherlerde bir qatar mediniyet pa'aliyetlirige qatnishidiken. ( Erkin)
Munasiwetlik maqalilar
- Dunya Uyghur qurultiyi 8 dölet yighinidin kishilik hoquq mesilisige köngül bölüshni telep qildi
- Gérmaniye parlaménti xitayning "lawgey" tüzümini eyibleydighan qarar lahiyisini muzakire qildi
- Gérmaniyide markél bash ministir boldi
- Gérmaniyide parlamént saylimi ötküzüldi
- Gérmaniye bash ministiri shroydér xitaydiki ziyaritini axirlashturdi
- Gérmaniyidiki teshkilatlar, shrédörni xitay bilen kishilik hoquq mesilisi boyiche söhbet élip bérishqa ündidi
- Gérmaniye xitayning gherbiy rayonlirida eydiz wirosidin mudapi'elinish ishlirigha yardem qildi