Amérika mudapi'e ministiri robrt géts, xitayning künsiri herbiy küchini ashurshidin qayghurghanliqini bayan qildi

Amérika mudapi'e ministiri robrt géts, shenbe küni singgapurda échilghan, asiya bixeterlik yighinida qilghan sözide, xelq'ara jama'etni afghanistan, ottura asiya we iran mesilside téximu yéqin hemkarliqqa chaqirip, xitayning künsiri herbiy küchini ashurshidin qayghurghanliqini bayan qildi. U sözide, iraq mesilisi üstidimu toxtulup, iraqtiki qalaymiqanchiliq dunyadiki esebiy küchlerni téximu jasaretlendürüshi mumkin dep, agahlandurdi.

Amérika mudapi'e ministiri géts yéghindiki sözide,"biz amérika hökümitning yilliq doklatida xitayning herbiy küchi heqqide otturigha qoyulghan mesililerdin endishlenduq. Lékin shundaqtimu xitay bilen amérika munasiwetlirining tereqqiyatigha ümidwarliq bilen qarashqa bolidu" dégen.

Yéqinda amérika mudapi'e minstirliqi teripidin xitayning herbiy tereqqiyati heqqide élan qiln'ghan doklatta, xitayning herbiy küchini künsiri ashurishinng nurghun kishilerni endishige séliwatqanliqini bayan qiln'ghan idi. Xitay hökümiti amérika mudapi'e minstirliqining mezkur doklatini, dunyagha xitayni bir tehdit dep körsitish we qorallinish üchün bahane yaritishni meqset qilghan dep qattiq tenqid qilghan. (Ömer qanat)