Америка дөләт мудапиә министири роберт гейтс хитайниң һәрбий программилиридики хупиянилиқни оттуриға қоймақчи


2007.11.02

Алдимиздики йәкшәнбә күни хитай зиярити башлаш алдида турған америка дөләт мудапиә министири роберт гейтс хитайдики зиярити җәрянида хитайниң һәрбий программилиридики хупиянилиқни оттуриға қойидиғанлиқини билдүрди.

Франсийә агентлиқиниң роберт гейтсниң ейтқанлиридин нәқил елип көрситишичә, гейтс мухбирларни күтүвелиш йиғинда оттуриға қоюлған, "хитайни бир һәрбий тәһдит дәп тонумсиз ? " дегән соалға қарита, өзиниң пәқәт хитайда тәрәққий қилдуриливатқан һәрхил һәрбий қурулушларға көпрәк көңүл болидиғанлиқини вә хитайниң һәрбий қурулушлирида очуқ-ашкарилиқниң кәмчиликигә қарита көпрәк көңүл болидиғанлиқини оттуриға қойған вә: " мана мушу мәсилиләр биз диалог елип баридиған мәсилиләрдур" дегән.

Хитай ташқи ишлар министирлиқи баянатчиси лю җийәнчавниң ейтқанлириға қариғанда гейтсниң бу нөвәтлик зиярити бу икки дөләтниң мунасивәтлиридики һәрбий селинма вә башқа җәһәтләрдә оттуриға чиққан йирикчиликләрни юмшитишта иҗабий рол ойнайдикән.

Гейтсниң бу қетимлиқ хитай зиярити, у өткән йили декабирда америка дөләт мудапиә министири болуп бекитилгәндин кейиники тунҗи хитай зиярити болуп, у бу нөвәт хитай, җәнуби корейә вә японийиләрдә зиярәттә болиду. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.