Amérika dölet mudapi'e ministiri robért géyts xitayning herbiy programmiliridiki xupiyaniliqni otturigha qoymaqchi


2007-11-02
Share

Aldimizdiki yekshenbe küni xitay ziyariti bashlash aldida turghan amérika dölet mudapi'e ministiri robért géyts xitaydiki ziyariti jeryanida xitayning herbiy programmiliridiki xupiyaniliqni otturigha qoyidighanliqini bildürdi.

Fransiye agéntliqining robért géytsning éytqanliridin neqil élip körsitishiche, géyts muxbirlarni kütüwélish yighinda otturigha qoyulghan, "xitayni bir herbiy tehdit dep tonumsiz ? " dégen so'algha qarita, özining peqet xitayda tereqqiy qilduriliwatqan herxil herbiy qurulushlargha köprek köngül bolidighanliqini we xitayning herbiy qurulushlirida ochuq-ashkariliqning kemchilikige qarita köprek köngül bolidighanliqini otturigha qoyghan we: " mana mushu mesililer biz di'alog élip baridighan mesililerdur" dégen.

Xitay tashqi ishlar ministirliqi bayanatchisi lyu jiyenchawning éytqanlirigha qarighanda géytsning bu nöwetlik ziyariti bu ikki döletning munasiwetliridiki herbiy sélinma we bashqa jehetlerde otturigha chiqqan yirikchiliklerni yumshitishta ijabiy rol oynaydiken.

Géytsning bu qétimliq xitay ziyariti, u ötken yili dékabirda amérika dölet mudapi'e ministiri bolup békitilgendin kéyiniki tunji xitay ziyariti bolup, u bu nöwet xitay, jenubi koréye we yaponiyilerde ziyarette bolidu. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet