Amérika dölet mudapi'e ministirliqi doklatida xitayning herbiy küchini ashuruwatqanliqini körsetti
2008.03.04
Amérika birleshme agéntliqining bügünki xewiridin melum bolushiche, besh burjeklik bina düshenbe küni xitayning herbiy iqtidari heqqidiki yilliq doklatida "xitay herbiy küchini turaqliq halda özlüksiz östürmekte" dep körsetken.
Besh burjeklik bina amérika dölet mejlisining telipige bina'en her yili xitayning herbiy küchi heqqide doklat teyyarlaydu hemde mezkur doklatqa asasen teywen boghuzi weziyitige baha béridu.
Amérika dölet mejlisige tapshurulidighan bu yilliq doklatta béyjingning herbiy teyyarliqlarni,herbiy xamchot hemde herbiy iqtidari heqqidiki uchurlarnimu mexpiy tutuwatqanliqining asiya tinch okyan rayonining bixeterliki üchün tehdit élip kéliwatqanliqi otturigha qoyulghan. Doklatta tekitlinishiche, xitay xelq azadliq armiyisi nöwette quruqluq, hawa, hemde déngizdin bashqa alem téxnikisi hemde intérnéttin paydilinip urush qilalaydighan sewiyige yetken shundaqla bu xitay herbiy küchining teywen'ge qarshi élip bérilish éhtimalliqi bar herbiy hujumda yéngish teyyarliqi körüwatqanliqini chüshendüridiken.
En'giliye b b s radi'o - téléwiziyisining bügün élan qilishiche, xitay hökümitining bayanatchisi ching gang bügün " amérikining xitay herbiy küchi heqqidiki yilliq doklati élan qilip junggoni herbiy tehdit dep körsitishi, amérikining dölitimiz ichki ishlirigha arilashqanliqi, amérika derhal bundaq soghaq urush analizini toxtitishi kérek" dep reddiye bergen.
"Xelq'ara jem'iyet xitayning herbiy küchi tereqqiyatining emeliy ehwalidin yenila xewersiz " dep körsetken amérika dölet mudapi'e ministirliqi, sherqiy asiya bölümi mu'awin diréktori dewd sidniy " bizning istratégiye jehette xitayning herbiy teyyarliqlirining heqiqiy ehwalidin xewersizlikimiz xitayning herbiy iqtidari jehette mudapi'elinish xaraktérlik inkar qilishigha ul salmaqta " dégen.
Xitay yéqinda téxi bu yil herbiy xamchotini %18 östürgenlikini élan qilghan idi. Amérika xitayning emeliy herbiy sélinmisi élan qilghinidin az dégende nechche on milyard dollar yuqiri dep guman qilip kelmekte. Amérikidin bashqa yaponiyimu xitayning herbiy xamchoti mesiliside ochuq - ashkara bolushini telep qilip kelmekte. (Gülchéhre)
Munasiwetlik maqalilar
- Amérika, xitay hökümitini herbiy xamchotni köpeytish mesilside ochuq bolushqa chaqirdi
- Teywen xizmet guruppisi, amérika hökümitini teywen'ge qaratqan siyasitini özgertishke chaqirdi
- Yuqiri derijilik bir xitay emeldari teywen'ge jasusluq qilish sewebidin qolgha élindi
- Xitay kosowada tinchliqni saqlash üchün saqchi ewetmekchi
- Teywen prézidénti spratili taqim arallirini ziyaret qildi
- Amérika générali xitay herbiy qorallirining özini qoghdash iqtidaridin éship ketkenlikini bildürdi
- Amérika déngiz armiyisi qomandani xitayni ziyaret qilmaqchi
- Xitay bilen hindistanning birleshme manéwiri ayaqlashti
- Amérika awam palatasi ezaliri amérika hökümitining teywenning b d t gha eza bolup kirishige qarshi chiqishini eyiblidi
- Xitay bilen hindistan birleshme herbiy manéwir ötküzmekte
- Xu jintaw bilen jorj bush téléfonda teywen mesilisi üstide muzakire élip bardi
Köp körülgen xewerler
RFA
- Rézhissor ikram nurmemet térrorluq bilen eyiblinip 6 yérim yilliq késiwétilgen
- Mehmud qeshqeri we hüseyin tejelli heykilining chéqiwétilgenliki delillendi
- Shinjang uniwérsitétning yüz yilliqida néme üchün mektepni “Qizil izbasarlarni terbiyelesh merkizi” ge aylandurush tekitlendi?
- Uyghurlar duch kelgen irqiy qirghinchiliqqa a'it yéngi kitab türkiyede tarqitilishqa bashlidi
- “Xitay gulagidin hayat qélish” namliq kitab “Aldinqi front edebiyati mukapati” gha érishti