ئامېرىكا، خىتاي ھۆكۈمىتىنى ھەربىي خامچوتنى كۆپەيتىش مەسىلسىدە ئوچۇق بولۇشقا چاقىردى


2008-03-01
Share

خىتايدا زىيارەتتە بولۇۋاتقان ئامېرىكا مۇداپىئە مىنىستىرلىكىنىڭ شەرقىي ئاسىيا ئىشلىرىدىن مەسئۇل ياردەمچى مىنىستىرى دېۋىد سېدنى شەنبە كۈنى بېيجىڭ ھۆكۈمىتىنىڭ 2008‏- يىللىق ھەربىي خامچوتنى ئېلان قىلىشنىڭ ھارپىسىدا بايانات ئېلان قىلىپ، "ئوتتۇرىغا چىقىش ئېھتىماللىقى بولغان ئۇقۇشماسلىقلارنىڭ ئالدىنى ئېلىش ئۈچۈن ئون يىلدىن بېرى ھەربىي خامچوتنى داۋاملىق كۆپەيتىۋاتقان خىتاي ھۆكۈمىتى، ھەربىي ئىستىراتېگىيىسى ھەققىدە كۆپرەك چۈشەندۈرۈش بېرىشى كېرەك" دېدى.

دېۋىد سېدنى شاڭخەيدە مۇخبىرلارغا بەرگەن باياناتىدا، " بىز، خىتاي ھۆكۈمىتىنىڭ ئىستراتېگىيىلىك نىشانى ھەمدە خىتاينىڭ ئارمىيىسىنى يېڭى قوراللار بىلەن قوراللاندۇرۇشىنىڭ ئىستراتېگىيىلىك مەقسەتلىرى بىلەن قانداق مۇناسىۋىتى بارلىقى ھەققىدە، كۆپرەك چۈشەنچىگە ئىگە بولۇشنى خالايمىز" دېگەن.

ياپونىيە قاتارلىق نۇرغۇنلىغان دۆلەتلەر، خىتاي ھۆكۈمىتىنىڭ ھەربىي خامچوتنى كۈنسېرى كۆپەيتىشىدىن ئەندىشە قىلماقتا. خىتاي ھۆكۈمىتى ئۆتكەن يىلى ھەربىي خامچوتنى 17.8 پرسەنت كۆپەيتكەن ئىدى.

رويترىس ئاگېنتلىقىنىڭ بىلدۈرۈشىچە، خىتاينىڭ ئۇرۇش پاراخوتلىرى، باشقۇرۇلدىغان بومبىلىرى ۋە ئۇرۇشچى ئايروپىلانلىرىنىڭ ئاساسلىق قىسىمى تەيۋەنگە قارىتىلغان. (ئۆمەر قانات)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت