Америка, хитай һөкүмитини һәрбий хамчотни көпәйтиш мәсилсидә очуқ болушқа чақирди


2008-03-01
Share

Хитайда зиярәттә болуватқан америка мудапиә министирликиниң шәрқий асия ишлиридин мәсул ярдәмчи министири девид седни шәнбә күни бейҗиң һөкүмитиниң 2008‏- йиллиқ һәрбий хамчотни елан қилишниң һарписида баянат елан қилип, "оттуриға чиқиш еһтималлиқи болған уқушмаслиқларниң алдини елиш үчүн он йилдин бери һәрбий хамчотни давамлиқ көпәйтиватқан хитай һөкүмити, һәрбий истиратегийиси һәққидә көпрәк чүшәндүрүш бериши керәк" деди.

Девид седни шаңхәйдә мухбирларға бәргән баянатида, " биз, хитай һөкүмитиниң истратегийилик нишани һәмдә хитайниң армийисини йеңи қораллар билән қоралландурушиниң истратегийилик мәқсәтлири билән қандақ мунасивити барлиқи һәққидә, көпрәк чүшәнчигә игә болушни халаймиз" дегән.

японийә қатарлиқ нурғунлиған дөләтләр, хитай һөкүмитиниң һәрбий хамчотни күнсери көпәйтишидин әндишә қилмақта. Хитай һөкүмити өткән йили һәрбий хамчотни 17.8 Прсәнт көпәйткән иди.

Ройтрис агентлиқиниң билдүрүшичә, хитайниң уруш парахотлири, башқурулдиған бомбилири вә урушчи айропиланлириниң асаслиқ қисими тәйвәнгә қаритилған. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт