Хитай - һиндистан чегрисидики надула тағ еғизида 40 нәччә йилдин буян тақалған чегра базири ечилди

Америка авазиниң хәвәр қилишичә, хитай - һиндистан чегрисидики һималая тағ тизмилириниң надула тағ еғизида 1962 ‏- йилидики хитай - һиндистан урушида тақивитилгән чегра базири пәйшәнбә күни қайтидин ечилди. Бу хитай билән һиндистандин ибарәт икки чоң асия дөлитиниң мунасивити яхшилинишқа башлиғанлиқиниң бишарити.

Хәвәрдә баян қилинишичә, һиндистан әмәлдарлири билән хитай әмәлдарлири пәйшәнбә күни чүштин бурун тәбрик садалири ичидә линта кәскәндин кейин, чегра базири рәсми ечилған . Хитай тәрәптики чегра базири тебәтниң ядоң наһийисигә қарашлиқ ринчиң портида. Һиндистан тәрәпниң чегра базири болса секкимниң һиратан дегән йеридә. Узун йиллардин буян чегра содисини тәқәззалиқ билән күтүватқан һәр икки тәрәпниң чегра хәлқи, деңиз йүзүдин 4500 метир игизликтики надула тағ еғизидин булут кечип өтүп, йеңи ечилған чегра базарлириға охшимиған йүнилиштин сепи үзүлмәй келишкә башлиған. (Вәли)