Xitay bilen hindistanning birleshme manéwiri ayaqlashti


2007-12-25
Share

Xitay bilen hindistanning térrorchiliqqa qarshi birleshme manéwiri ayaqlashqan bolup, hindistan xitay armiyisini kéler yili hindistan tupriqida yene birlikte birleshme manéwir élip bérishqa teklip qildi.

Xitayning künming rayonida ötküzülgen "qolmu - qol 2007" xitay ‏- hindistan quruqluq armiyisining térrorluqqa zerbe bérish manéwiri 25 ‏- dékabir küni ayaqlashti. Bu qétimqi manéwirning meqsidi taghliq rayonlardiki térrorluq heriketlirige zerbe bérish we birleshme bash qomandanliqining térrorchilarni yoqitishidin ibaret ikki xil meshiq üstide öz ‏- ara hemkarliship küresh qilish pilanini ishqa ashurush iken.

Manéwir jeryanida hindistan armiyisi bilen xitay armiyisi öz ‏- ara urush taktikisi we tejribiliri üstide pikir almashturush élip barghan.

Xitay azatliq armiyisining qomandanliridin biri, xitayning munasiwetlik döletler bilen élip barghan manéwirining héchqandaq bir döletke tehdit hésablanmaydighanliqini ipadilise, hindistan herbiy xadimliri xitay ‏- hindistan ikki terepning buningdin kéyin hemkarliqni téximu kücheytidighanliqini bildürgen.

Közetküchiler, xitay bilen hindistan otturisida gerche chégra mesilisi ixtilapliri hazirgha qeder hel qilinmay kelgen bolsimu, biraq hazir ikki dölet öz ‏- ara munasiwitini yaxshilash üchün zor tirishchanliqlarni körsitiwatqanliqini, bolupmu ikki döletning herbiy hemkarliqqa alahide ehmiyet bériwatqanliqini bildürmekte. Emma, yene bir qisim analizchilar hindistanning amérika bilen bolghan qoyuq munasiwiti hindistanning xitay bilen heddidin tashqiri yéqin munasiwet ornitishigha tosalghu bolidighanliqini ilgiri sürdi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet