Һиндистан, хитай вә русийә иқтисадий һәмкарлиқ йиғини

Шәнбә күни, һиндистанниң пайтәхти йиңи деһли шәһиридә өткүзүлгән бир күнлүк йиғиниға қатнашқан, һиндистан, русийә вә хитай һөкүмәт хадимлири вә карханчилири, мәзкур үч дөләт оттурисидики иқтсадий мунасивәтләрни техиму күчәйтидиғанлиқини билдүргән.

Франисйә агентлиқиниң хәвәр қилишичә, йиғинға қатнашқан һиндистан һөкүмитиниң алий дәриҗилик бир хадими," һиндиистан, хитай вә русийә наһайити көп тәбий мәнбәләргә һәмдә енергийә записиға игә үч дөләт. Шуңа бу үч дөләт өз-ара бир иқтсадий шериклик қуруши керәк" дегән.

Гәрчә һиндистан, хитай вә русийә һөкүмәт хадимлири шәнбә күнидики йиғинда, өз-ара иқтсадий һәмкарлиқни күчәйтиш мәсилсини тәкитлигән болсиму, лекин сиясий анализчилар, бу үч дөләт оттурисида болупму, хитай билән һиндистан оттурисида нурғунлиған мәнпәәт тоқунушниң мәвҗут икәнликини, һәтта һиндистан билән хитайниң дуняниң һәр қайси җайлиридики енергийә мәнбәлириниң контроллиқини қолға кәлтүрүш үчүн бир-бири билән җиддий риқабәтлишиватқанлиқини баян қилмақта.

Уларниң ейтишичә, енергийә мәнбәлири үстидики риқабәттин сирт йәнә, һиндистан билән хитай оттурисида җиддий чегра ихтилапи мәвҗут болуп, бу икки дөләт оттурисдики бу ихтилап техи һәл болмиған. (Өмәр қанат)