Amérika isra'iliyining xitaygha qoral sétishigha qayta naraziliq bildürdi


2004-12-16
Share

Isra'iliyining xitay bilen bolghan qoral sodisi, isra'iliye bilen uning qedinas ittipaqdishi amérika otturisidiki munasiwetni jiddiyleshtürdi.

Fransiye axbarat agéntliqining xewirige qarighanda, amérika hökümiti yéqinda isra'iliyining amérika bilen meslihetleshmey turup, xitayning sezgür qoral séstimilirini yéngilap bergenlikidin ghezeplen'gen. Emma alaqidar da'iriler, isra'iliyining xitaygha qandaq xil qoral sistémisini yéngilap bergenlikini ashkarilimighan.

Amérika hökümiti, xitayning ilghar tiptiki qoral eslihelirige érishishini, amérikining ittipaqdashliri we amérika armiyisige tehdid élip kélidu dep qaraydu. Bu seweptin, amérika 2000 - yili isra'iliyige bésim ishlitip, isra'iliyining xitaygha ilghar tipliq radar sistémisi sétip bérish toxtimini bikar qildurghan idi.

Xewerge qarighanda, amérika da'iriliri isra'iliyining bu qétimqi xitay bilen bolghan qoral sodisidin qattiq narazi bolup, isra'iliyini dölet mudapi'e ministirliqining qoral sétish ishlirigha mes'ol dériktori géniral amos yaronni wezipisidin qaldurushni telep qilghan. Biraq isra'iliyining washin'gitondiki elchisi, amérikining géniral amos yaronni wezipisidin qaldurush telipini qoyghanliqini inkar qildi.(Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet