Amérika palata ezaliri xitay ishpiyonliri amérikigha tehdit élip kelmekte dep körsetti


2007-11-20
Share

Yéqinda amérika iqtisadi, bixeterlik ishliri közitish komitéti amérika dölet mejlisige yilliq doklat sunup "xitay ishpiyonliri, amérikining pen ‏- téxnika tereqqiyatigha tehdit élip kelmekte" dep körsetken.

Mezkür 2007 - yilliq doklatta xitayning téxnika hem iqtisadiy ishpiyonluq heriketlirining amérikigha nisbeten heqiqeten tehdit hasil qiliwatqanliqi tekitlinip, bolupmu xitayning amérikining herbiy téxnikilirini sétiwilish arqiliq özining herbiy küchini barghanche ashuruwatqanliqi,shu seweblik amérikining téxnikilirining xitayning herbiy jehettin zamaniwiylishishida zor rol éliwatqanliqi körsitilip, amérikining xitayning ishpiyonluqigha qarshi axbarat mexpiyetlikini chingaytishta yenimu jiddiy tedbir élishi kérekliki tekitlen'gen.

Mezkur komitét amérika dölet mejlisige yene, xitay tehditini tosush üchün amérika -xitay munasiwitidiki herbiy, iqtisadiy, uchur-axbarat, muhit ishliri sahelirige alaqidar 42 türlük tedbir pilaninimu sun'ghan.

20 - Noyabir xitay terep amérikida téxnika uchurlirini oghrilash, ishpiyonluq heriketliri élip barghanliqini inkar qilghan bolup, xitay tashqi ishlar ministirliqi bayanatchisi lyu jyenchaw axbarat élan qilish yighinida " biz köp qétim junggoning bashqa bir döletning menpe'etige ziyan yetküzidighan her qandaq herikette bolmaydighanliqini, hemkarliq munasiwiti ornitishta oz ‏- ara barawerlikni asas qilidighanliqini tekitlep kelduq" dégen.

Amérika dölet mejlisi xitay ishliri komitéti qurghuchisi hem re'isi landi furbusining bildürüshiche, amérikidiki ikki mingdin üch mingghiche bolghan xitay shirketlirining heqiqiy muddi'asi amérikining hökümet hemde karxanilirining mexpiy arxiplirini oghrilash iken. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet