Ху җинтав канада баш министири билән көришиду

Хитай ташқи ишлар министирлиқиниң билдүрүшичә, хитай дөләт рәиси ху җинтав асия - тенч окян иқсадий һәмкарлиқ йиғини мәзгилидә канада баш министири билән көрүшидикән.

Хитай ташқи ишлар министирлиқиниң баянатчиси җаң йүниң пәйшәнбә күни өткүзүлгән мухбирларни күтивилиш йиғинида ейтишичә " җуңго һөкүмити, җуңго - канада мунасивитигә интайин әһмийәт беридикән" у сөзидә ": җуңго , баравәрлик вә өз - ара һөрмәт қилиш асасида кишилик һоқуқ диалоги елип беришни халайду, бирақ , биз башқа дөләтләрниң " кишилик һоқуқ" ни баһанә қилип, җуңгониң ичкий ишлири һәққидә мәсулийәтсизлик билән ипадә билдүрүшигә қарши туримиз " деди.

Буниңдин илгири, канада мәтбуатлирида ху җинтавниң, стипан харперниң асия - тенч окян иқтисадий һәмкарлиқ йиғинида көрүшүш тәлипини рәт қилғанлиқи һәққидә хәвәрләр таралған иди.

Харпер, изчил түрдә хитайниң кишилик һоқуқ хатирисини тәнқид қилип кәлгән канада рәһбәрлиридин бири болуп, у сөзидә":мениңчә, канада хәлқи хитай билән иқтисадий һәмкарлиқ мунасивитини яхшилашни халайду, әмма канадалиқлар биз әң әһмийәт беридиған ‏демократийә , әркинлик , кишилик һоқуқ қарашлирини сетивитишимизни һәргиз халимайду" деди.

Хитай канада һөкүмитиниң қаршилиқ көрситишигә қаримай, канада пуқраси һөсийин җелилни қолға елип, һазирға қәдәр өз тәвәликигә қайтуруп бәрмиди.

Көзәткүчиләр, харперниң бу қетимқи учришишта һөсийин җелил мәсилисини оттуриға қойидиғанлиқини пәрәз қилишмақта. (Әқидә)