Kanadaning ikki ministiri ikki dölet otturisida sezgür siyasiy mesile mewjut shara'itta xitayni ziyaret qildi

B b s ning xewer qilishiche, kanadaning ikki minisitiri kanada bilen xitay otturisida sezgür siyasiy mesile mewjut bolup turuwatqan shara'itta xitayni ziyaret qildi. Kanadaning soda minisitiri émirsin ependi xitayning pen-téxnika minisitiri bilen pen-téxnika hemkarliq kilishimi, muhitni asrash kélishimi we yéshil téxnika kilishimi qatarliq kilishimlerni imzalidi. Kanadaning maliye ministiri jim flerty ependi xitay xelq bankisining bashliqi bilen xitay puli mesilisini muzakire qildi.

Xewerde bayan qilinishiche, 17 ‏- yanwar küni kanadaning maliye ministiri jim flerty ependi bilen xitay emeldarliri otturisida diplomatiye jehette jiddiy munazire yüz bergen. Buningdin burun kanadaning bash minisitiri xitayning bash minisitirini kishilik hoquq mesilisi bilen eyibligen, shu chaghdiki eyibleshtin peyda bolghan munazire hetta xu jintawning 11 ‏- ayda kanadagha qilidighan ziyaritini emeldin qaldurushqa yüzlen'gen idi. Flertiy ependimu xitayni ziyaret qilghanda, xitaygha hüsenjan jélil délosini öz ichige alghan kanada ehmiyet bériwatqan mesililerni semimiylik bilen otturigha qoyidighanliqini, kanada özining her jaydiki puqralirini chuqum qoghdaydighanliqini jakarlighan idi. Bu qétimqi diplomatiye jehettiki munazire yenila mushu mesilidin kélip chiqqan. (Weli)