Topilang sewebidin solomondiki xitaylar kétishke mejbur boldi


2006.04.23
Share on WhatsApp
Share on WhatsApp

Tinch okyandiki solomon taqim aralliri dölitide yüz bergen topilang seweplik paytext xoni'aradiki yene bir türküm 150 ke yéqin xitay puqrasi xitaygha qaytishqa mejbur boldi.

Buning aldida öyliri, dukanliri we mal mülükliri bulang-talanggha uchrighan 200 ge yéqin xitay solomon arilidin ayrilghan idi. Bu topilang, yerlik xelqning yéngidin teyinlen'gen bash ministirgha narazi bolushi sewebidin kélip chiqqan. Shundaqla bu yerdiki xitaylar yaki teywenlikler solomon hökümitidiki qanun turghuzghuchilar pare bérip bu kandidatni bash ministirliqqa teyinletküzgenliki heqqide söz-chöchek taralghan.

Shu seweptin yerlik xelqlerde bu yerdiki xitaylargha qarita öchmenlik peyda bolup, paytext xoni'aradiki xitay bazarlirini bulang-talang qilghan. Solomon taqim arallirimu bu yerdiki bashqa tinch-okyan aral döletlirige oxshashla xitay bilen teywen arisida talash-tartishta qalghan dölet bolup, u teywenni dölet süpitide étirap qilidu. Emma xitay hökümiti bolsa, bu döletlerni pul arqiliq teywendin ayrishqa tirishidu.

Mezkur topilangdin kéyin, xitay bilen teywen her ikkilisila solomondiki bash ministir saylimigha pul arqiliq chétilghanliq xewirini ret qilip, bu saylamgha özlirining arilashmighanliqini bildürdi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet