Xitay amérikidiki qanunsiz xitay köchmenlirini élip kétishni ret qildi

Xitay da'iriliri amérika hökümitining amérikigha qanunsiz kirgen xitay köchmenlirini qayturup élip kétish telipini ret qildi. Nöwette amérika hökümitining qanunsiz xitay köchmenlirini tutup turush üchün serp qilghan puli 667 milyon dollargha yetken.

Amérika dölet bixeterliki ministiri maykél chértof seyshenbe küni xitay hökümitining amérikigha qanunsiz kirgen 39 ming xitay puqrasini qayturiwélishni ret qilghanliqini, shundaqla ularning ötken yili qayturiwélishqa wede bergen xitay puqrasining aran 800 kishi bolghanliqini éytti.

Chértofning bildürüshiche, amérika hökümiti hazir turup turiwatqan xitay puqralirigha künige her biri kishi üchün texminen 95 dollar serp qilidiken. Amérika qanunida qanunsiz köchmenlerni aran 180 kün tutup turushqa yol qoyulidighan bolup, amérika bixeterlik idarisi bu yil 10‏-ayning 1‏- künidin bashlap, "qanunsiz köchmenlerni qoyup bérish" siyasitini axirlashturushni pilanlimaqta. Bundaq bolghanda bu kündin bashlap barliq qanunsiz köchmenler taki tewe döletler ularni qayturiwalghiche tutup turush merkizige solinidiken.

Amérika hökümiti her yili xitay hökümitini bu xitay köchmenlirini qayturup élip kétishke dewet qilghan bolsimu, lékin ötkenki 5 yildin buyan xitay ilgiri-axir bolup aran 2580 neper qanunsiz xitay köchmenlirini qayturiwalghan. (Peride)