Америка қанунсиз хитай көчмәнлирини қайтуруш мәсилисидә хитай билән келишим һасил қилай дәп қалди


2006.04.04
Share on WhatsApp
Share on WhatsApp

Хитай қатарлиқ шәрқий асия әллиридә елип барған зияритини сәйшәнбә күни ахирлаштурған америка ички бихәтәрлик министирлиқиниң министири майкил чертоф, америкидики нәччә миңлиған қанунсиз хитай көчмәнлирини дөлитигәқайтуруш мәсилисидә бейҗиң һөкүмити билән келишим һасил қилай, дәп қалғанлиқини билдүрди.

Чертофниң әскәртишичә, америкида олтурақлишиш һоқуқи рәт қилинған 39000 қанунсиз хитай көчмини дөлитигә қайтурулушни күтмәктә. Лекин хитай һөкүмити уларниң салаһийити ениқ әмәсликини баһанә қилип, уларни қобул қилишни рәт қилип кәлгән.

Майкил чертофниң хитай компартийисиниң бихәтәрлик вә әдлийә ишлирини башқуридиған сиясий биюру даимий әзаси ло гән билән сөһбәт өткүзгәндин кейин мухбирларға ашкарилишичә, улар " сөһбәттә йәтмәкчи болған мәқсидигә еришкән вә қанунсиз хитай көчмәнлирини дөлитигә қайтуруш мәсилисидә ортақ тонуш һасил қилған". Чертофниң ярдәмчиси келишим лайиһисиниң тәпсилатлири үстидә давамлиқ музакирә елип бериш үчүн бейҗиңда қалди.

Хитай ташқий ишлар министирлиқи лю җйәнчав сәйшәнбә күни елан қилған баянатида, хитай һөкүмитиниң қанунсиз көчмәнләргә қарши икәнликини билдүргән болсиму, лекин у "алди билән биз қанунсиз көчмәнләрниң салаһийитини айдиңлаштурушимиз керәк вә җуңго шу бойичә дөлитигә қайтурулған қанунсиз көчмәнләрни қобул қилиду " деди.

Чертоф зиярәт җәрянида хитай даирилири билән виза мәсилисини музакирә қилған. Америка 11 - синтәбир вәқәсидин кейин хитай пуқралириға виза чәклимиси қойған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.