Amérika qanunsiz xitay köchmenlirini qayturush mesiliside xitay bilen kélishim hasil qilay dep qaldi


2006.04.04
Share on WhatsApp
Share on WhatsApp

Xitay qatarliq sherqiy asiya elliride élip barghan ziyaritini seyshenbe küni axirlashturghan amérika ichki bixeterlik ministirliqining ministiri maykil chértof, amérikidiki nechche minglighan qanunsiz xitay köchmenlirini dölitigeqayturush mesiliside béyjing hökümiti bilen kélishim hasil qilay, dep qalghanliqini bildürdi.

Chértofning eskertishiche, amérikida olturaqlishish hoquqi ret qilin'ghan 39000 qanunsiz xitay köchmini dölitige qayturulushni kütmekte. Lékin xitay hökümiti ularning salahiyiti éniq emeslikini bahane qilip, ularni qobul qilishni ret qilip kelgen.

Maykil chértofning xitay kompartiyisining bixeterlik we edliye ishlirini bashquridighan siyasiy biyuru da'imiy ezasi lo gen bilen söhbet ötküzgendin kéyin muxbirlargha ashkarilishiche, ular " söhbette yetmekchi bolghan meqsidige érishken we qanunsiz xitay köchmenlirini dölitige qayturush mesiliside ortaq tonush hasil qilghan". Chértofning yardemchisi kélishim layihisining tepsilatliri üstide dawamliq muzakire élip bérish üchün béyjingda qaldi.

Xitay tashqiy ishlar ministirliqi lyu jyenchaw seyshenbe küni élan qilghan bayanatida, xitay hökümitining qanunsiz köchmenlerge qarshi ikenlikini bildürgen bolsimu, lékin u "aldi bilen biz qanunsiz köchmenlerning salahiyitini aydinglashturushimiz kérek we junggo shu boyiche dölitige qayturulghan qanunsiz köchmenlerni qobul qilidu " dédi.

Chértof ziyaret jeryanida xitay da'iriliri bilen wiza mesilisini muzakire qilghan. Amérika 11 - sintebir weqesidin kéyin xitay puqralirigha wiza cheklimisi qoyghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet