Rusiyede yene bir xitay puqrasi öltürüldi


2006-06-07
Share

Yéqinda rusiyining kémérow shehiride bir xitay puqrasi öltürülgen. Xitayning bu yerde turushluq konsulxanisi rusiye hökümitidin bu déloni téz bir terep qilishni telep qildi.

Xitay xelq torida élan qilin'ghan xewerdin melum bolushiche, lyu famililik bu xitay puqrasi rusiyining kémérow shehiridiki xitay bazirida turushluq bolup, u 5‏-ayning 24‏- küni öltürülgen hemde uning yénidin 4 milyon rubli oghrilap kétilgen. Xitayning yékatérinaburgtiki konsulxanisi rusiye da'irilirining qatilni téz qolgha chüshürüp uni qanun boyiche éghir jazalashni telep qilghan.

Rusiye da'iriliri bolsa, kémérowdiki xitay bazirida turushluq xitay sodigerlirining rusiye saqchi da'iriliri bilen yaxshi hemkarlashmaydighanliqini, shunga xitay hökümitining bu jehette tirishchanliq körsitishi kéreklikini bildürdi. Xitay konsulxanisi bu yerdiki xitay sodigerlirini qanunluq tijaret bilen shoghullinishqa chaqirdi.

Gerche xitay terepning bu xewiride, lyuning qandaq salahiyet bilen rusiyide turuwatqanliqi we uning rusiyidiki tijaritining qanunluq yaki qanunsiz élip bériliwatqanliqi heqqide melumat bérilmisimu, lékin rusiyining her qaysi jaylirida qanunsiz xitay köchmenlirining sani üzlüksiz ashmaqta. Hetta rusiyidiki bir qisim jaylarda xitaylargha qarshi öchmenlik keypiyati barghanséri kücheymekte. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet