Җәнубий корийә президенти хитайниң корийә тарихини бурмилиғанлиқидин әпсусланди


2006-09-12
Share

Җәнубий корийә президенти но - му -хюн хитай баш министири вен җябавға бейҗиң даирилириниң корийә қәдимқи заман тарихини бурмилиғанлиқидин әпсусланғанлиқини билдүргән.

Җәнубий корийә йонхаб ахбарат агентлиқиниң хәвәр қилишичә, президент но -мо-хюн хитай һөкүмитидин икки тәрәп имзалиған келишимләр буйичә зөрүр тәдбир елишни тәләп қилған вә бу мәсилиниң икки дөләт мунасивитигә сәлбий тәсир йәткүзидиғанлиқини тәкитлигән. Но -мо-хюн бу сөзләрни финландийә пайтәхти хелсинкида чақириған асия - явропа йиғини арисида вен җябав билән учрашқанда қилған болуп, вен җябав хитай - корийә арисида имзаланған келишимләргә һөрмәт қилидиғанлиқини вә һөкүмәтниң бу мәсилә үстидә зөрүр тәдбир алидиғанлиқини билдүргән.

Хитайниң бир илмий тәтқиқат орни йеқинда мақалә елан қилип, корийиниң қәдимқи когурйо вә бали ханлиқлирини хитайға тәвә йәрлик бәгликләр, дәп җакарлиған иди. Җәнубий корийиниң муавин ташқий ишлар министири лий кю хюн, сейол һөкүмитиниң хитайға дипломатик инкас қайтурудиғанлиқини билдүргән.

Җәнубий корийә һөкүмити хитайниң корийә қәдимқи заман тарихий һәққидики йәкүни келәчәктә корийә - хитай чегрисини айриш мәсилисигә тәсир көрситиду, дәп қаримақта. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт