Jenubiy koriye prézidénti xitayning koriye tarixini burmilighanliqidin epsuslandi


2006-09-12
Share

Jenubiy koriye prézidénti no - mu -xyun xitay bash ministiri wén jyabawgha béyjing da'irilirining koriye qedimqi zaman tarixini burmilighanliqidin epsuslan'ghanliqini bildürgen.

Jenubiy koriye yonxab axbarat agéntliqining xewer qilishiche, prézidént no -mo-xyun xitay hökümitidin ikki terep imzalighan kélishimler buyiche zörür tedbir élishni telep qilghan we bu mesilining ikki dölet munasiwitige selbiy tesir yetküzidighanliqini tekitligen. No -mo-xyun bu sözlerni finlandiye paytexti xélsinkida chaqirighan asiya - yawropa yighini arisida wén jyabaw bilen uchrashqanda qilghan bolup, wén jyabaw xitay - koriye arisida imzalan'ghan kélishimlerge hörmet qilidighanliqini we hökümetning bu mesile üstide zörür tedbir alidighanliqini bildürgen.

Xitayning bir ilmiy tetqiqat orni yéqinda maqale élan qilip, koriyining qedimqi koguryo we bali xanliqlirini xitaygha tewe yerlik beglikler, dep jakarlighan idi. Jenubiy koriyining mu'awin tashqiy ishlar ministiri liy kyu xyun, séyol hökümitining xitaygha diplomatik inkas qayturudighanliqini bildürgen.

Jenubiy koriye hökümiti xitayning koriye qedimqi zaman tarixiy heqqidiki yeküni kélechekte koriye - xitay chégrisini ayrish mesilisige tesir körsitidu, dep qarimaqta. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet