Яврупа бирлики хитайни мәһсулатлириниң сүпитини юқири көтүрүш җәһәттә агаһландурди
2007.08.21
Әнгилийә б б с радио телевизийә ширкити, 21 - авғуст баш хәвәр сүпитидә елан қилишиға қариғанда , яврупа иттипақи сода министири мәндерсин , хитай даирилириниң хәлқарада хитай маллириға нисбәтән әнсизлик " хитайда ишләнгән" малларға нисбәтән хәлқарада чәкләш пәйда қилди дәп көрсәткән баһанисиға қошулмайдиғанлиқини билдүрүп , хитайни хәлқара ахбарат вастилирида пәйда болған бесимға қарши өч елиш позитсийисидә болмай ,мәһсулатлириниң сүпитигә, бихәтәрликигә капаләтлик қилиш һәққидә агаһландурған.
Буниң алдида йәни 19 - авғуст күни хитай сүпәт тәкшүрүш министирликиниң министири ли чаңҗаң , хитай мәркизи телевизийисидә мәхсус сөз қилип " чәт' әлләргә екиспорт қилиниватқан хитай маллириниң % 99 и сүпәт өлчимигә йәткән , болупму бизниң балилар оюнчуқлиримиз һәмдә йемәк -ичмәклиримиз өлчәмгә лайиқ " дегән иди.
явропа иттипақи сода министири мандерсин ли чаңҗаңниң бу баянлириға бивастә рәддийә бәргәндин башқа , явропа иттипақида, истемалчиларға зиян йәткүзгән барлиқ сүпәтсиз хитай маллирини қайтуруветишни пүтүн күчи билән қоллайдиғанлиқини билдүргән.
Америка маттел ширкити өткән һәптә хитайда ишләнгән балилар оюнчуқлирида зәһәрлик маддиларниң байқиғанлиқини паш қилип дуня миқясида 20 милйон данә хитай оюнчуқлирини йиғиш һәркитини башлиғандин буян , америкидин башқа яврупа вә бәзи асия әллиридиму хитай маллириға қарита агаһ болуш долқуни көтүрүлгән иди. Дуня базирида хитай маллириға қарита қизил чирақ йеқилиши бейҗиң һөкүмитигә еғир бесим елип кәлмәктә. Шундақла хитай билән америка қатарлиқ дөләтләр билән болған сода мунасивити барғанчә җиддийләшмәктә.(Гүлчеһрә)
Мунасивәтлик мақалилар
- Хоңкоң содигәрлири америка билән хитай оттурисидики сода җеңиниң "қурбани болуш"тин әнсирәйду
- Америка дуня сода тәшкилати хитайдин нәшир һоқуқини қоғдашта җидди тәдбир елишни тәләп қилди
- Америка маттел ширкити пүтүн дунядин20 милйон тал хитайда ясалған оюнчуқларни йиғивалди
- Перу хитайда ясалған 60 тонна оюнчуқта зәһәрлик мадда байқиған
- Русийә хитай билән аптомобил қураштуруш келишими имзалашни рәт қилған
- Америка малийә министири паулсон хитайни зиярәт қилди
- Америка кеңәш палатасиниң бир комитети хитай пулиниң қиммитигә қарши қанун лайиһиси мақуллиди
- Америка билән хитай бирлишип дөләт һалқиған юмшақ детал өзәклири әткәсчиликигә зәрбә бәрди
- Алатавда өлчәмгә йәтмигән хитай чиш пастилири екиспорт қилиштин чәкләнди