Хитайниң Unocal ни сетивелиш арзуси сияси тосалғуға дуч кәлди


2005-06-24
Share

Америка һөкүмитиниң җүмә күни тәкитлишичә, дөләт игиликидики хитай деңиз - окян нефит ширкитиниң америка нефит ширкити Unocal сетивелиш содиси, америкиниң дөләт бихәтәрлик мәсилиси сүпитидә көздин кәчүрүлидикән. Даириләр дөләт игиликидики бир хитай ширкитиниң америка нефит санаитигә қол тиққанлиқидин биарам болғанлиқини етирап қилди.

Америка сода министири чарлос гутирриз, җоңго деңиз - окян нефит ширкитиниң Unocal ни 18 йерим милярд долларға сетивелиш содиси һәққидә тохтилип, " америка карханилирини сетивелиш җәряни бир мусапә, бу мусапидә чәтәл мәблиғи тәкшүрүлиду шундақла буниң америка дөләт бихәтәрлик мәсилиси билән болған алақиси көздин кәчүрүлиду," дәп көрсәтти.

Әмма гутирризниң тәкитлишичә, дөләт бихәтәрлик мәсилиси бу йәрдә ойлишидиған бирдин бир мәсилә әмәскән. Җоңго деңиз- окян нефит ширкити, калифорнийидики америка нефит ширкити Unocal ға 18 йерим милярд доллар баһа қойған.

Ройтерс ахбарат агентлиқиниң хәвәр қилишичә, хитайниң америка нефит ширкитини тизгинләш нийитигә қарши буш һөкүмити һәрикәт қоллиниши мумкин. Шеврон ширкити Unocal ни сетивалмақчи болған. Әмма хитайлар юнокалға бир йерим милярд доллар үстин баһа қойди.

Америка дөләт мәҗлисидики затлар, хитай нефит ширкитиниң Unocal ни сетивелиш содиси үстидин тәкшүрүш елип беришни тәләп қилған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт