Amérika kéngesh palata ezaliri xitay tawarlirigha tamozhna béji qoyush qanun layihisidin waz kechti

Amérika kéngesh palata ezaliri peyshenbe küni xitay malliridin jazalash xaraktérlik tamozhna béji élish qanun teklip layihisini awazgha qoyushtin waz kechti.

Mezkur qanun layihisi kéler yilning melum mezgiligiche kéchiktürülgen. Kéngesh palata ezaliri charliz shumir we lindséy grahamlar teripidin otturigha qoyulghan bu qanun layihisi, eger xitay xelq pulining qimmitini tengshimise, amérikigha import qilinidighan xitay towarliridin 5.27 Pirsent tamojna béji élishni mezmun qilghan.

Qanun layihisi hazirghiche bir qanche qétim kéchiktürüldi. Axirqi pilanda 30 - séntebirgiche awazgha qoyulushi kérek idi. Lékin charliz shumir bilen lindséy graham jumhuriyetchi kéngesh palata ezasi charliz grasléy we maks bawkuslar bilen birliship, eger xitay xelq pulini tengshimise, qanun layihisini kéler yili otturigha qoymaqchi boldi. Kéngesh palata ezasi charliz grasléy, bu "xitaylargha küchlük bisharet bérishi mumkin"deydu.

Kéngesh palata ezalirining eskertishiche, prézidént bush bu qanun layihisidin waz kéchip, maliye ministiri pa'ulsénning xitayni qayil qilishigha waqit bérishni telep qilghan. (Erkin)