ئامېرىكا ئاۋازىنىڭ خەۋەر قىلىشىچە، ھازىر خىتاينى زىيارەت قىلىۋاتقان ئامېرىكىنىڭ سودا مىنىسىتىرى گوتىرىس ئەپەندى 'ھازىر خىتايدا يامراپ كەتكەن ساختا ماركىلىق مال ئەتكەسچىلىكى ئامېرىكا-خىتاي سودا مۇناسىۋىتىگە ئېغىر تەسىر يەتكۈزمەكتە' دېگەن.
خەۋەردە ئېيتىلىشىچە، بۇ يىل ئامېرىكا تاموژنىلىرى خىتايدىن كىرگەن 14 مىڭ تۈركۈم ساختا ماركىلىق مالنى مۇسادىرە قىلغان. بۇنىڭ قىممىتى 156 مىليۇن ئامېرىكا دوللىرىغا يېتىدۇ. بۇنىڭ ئىچىدە ئەڭ كۆپ بولغىنى 'د ۋ د' ۋە 'ۋ س د' بۇيۇملىرىدىن ئىبارەت.
خەۋەردە بايان قىلىنىشىچە يەنە، ۋاشىنگتون ھۆكۈمىتى ئەگەر خىتاي ساختا ماركىلىق مال مەسىلىسىنى ھەل قىلمىسا، ئامېرىكا خىتاينىڭ ئۈستىدىن دۇنيا سودا تەشكىلاتىغا رەسمىي ئەرز سۇنۇشى مۇمكىن، دەپ جاكارلىغان. (ۋەلى)