Kishilik hoquq teshkilatliri shwétsariye bankisini xitay néfit shirkiti bilen hemkarlashmasliqqa chaqirdi


2007-10-22
Share

Xolliwud artisi miya farow qatarliqlarni öz ichige alghan kishilik hoquqni qollighuchi erbaplar we nobil mukapatigha érishküchi bir qisim zatlar shwétsariye birleshme bankilar guruhigha xet yézip, mezkur bankini xitay néfit - teb'iy gaz pay chéki cheklik shirkitining shangxey aksiye bazirida paychik tarqitish pilanigha arilishishtin waz kéchishke chaqirdi.

Xitay néfit - teb'iy gaz guruhi xitay néfit - teb'iy gaz pay chéki cheklik shirkitige paychik bolup, junggo néfit ‏- teb'iy gaz guruhi sudan néfit igilikige eng köp meblegh salghuchi karxana idi. Bu xetke b d t ning ruwandadiki tinchliqni qoghdighuchi qisimining sabiq qomandani, kanada kéngesh palata ezasi dallér we b d t sudan mesilisidiki sabiq kélishtürgüchi emeldari kabilalar imza qoyghan bolup, ular shwétsariye bankisi bilen xitay néfit shirkitining hemkarliqidin endishe qiliwatqanliqini bildürgen.

Xetke imza qoyghuchi zatlarning eskertishiche, xitay néfit - teb'iy gaz guruhi sudan hökümitini maliye kirimi bilen teminlep, xartum hökümitining darfur rayonidiki qirghinchiliqigha yardem bermekte. Ular yene, xitay néfit - teb'iy gaz guruhini sudandiki yerlik xelqni néfit chiqidighan rayonlardin mejburiy köchürüshke arilashqan,dep eyiblidi.

Junggo néfit ‏- teb'iy gaz guruhi sudan'gha meblegh salghan karxana bolupla qalmay, u yene Uyghur aptonom rayonida néfit - teb'iy gaz qézish meshghulati élip bériwatqan we yerlik xelqning naraziliqigha uchrighan eng chong xitay shirkitidur. Lékin shwétsariye birleshme bankilar guruhi, junggo néfit ‏- teb'iy gaz guruhi junggo néfit ‏- teb'iy gaz pay chéki shirkitige paychik bolsimu, lékin bu ikki karxana qanuni wakaletchisi ayrim - ayrim ikki shirkettur, dep eskertip, özlirining sudan'gha xéridar shirket bilen bérish - kélish qilmighanliqini bildürdi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet