Xelq'ara kechürüm teshkilati xitayda ötküzülidighan olimpik toghrisida doklat élan qildi


2007.04.30
Share on WhatsApp
Share on WhatsApp

30- April xelq'ara kechürüm teshkilati doklat élan qilip, xitay hökümitini 2008-yili ötküzülidighan olimpik yighinining ijtima'iy muqimliqini saqlashni kozur qilip turup jem'iyettiki öktichi küchlerni qattiq basturdi dep eyiblidi we olimpik yighinning xitaydiki téximu qattiq zerbe bérish ishlirigha tuturuq bolghanliqini körsetti.

Xelq'ara kechürüm teshkilati asiya-tinch okyan bölümining mu'awin bashliqi Catherine Barber mundaq dédi: "ölum jazaliri üstidin élip bérilidighan yene bir qatlam ediliye tekshürüsh tertipi, chet'el muxbirlirigha nisbeten cheklimining burunqidin azraq bolushi qatarliqlar xitaydiki kishilik hoquqqa bolghan hörmetning yaxshilinishi jehettiki muhim qedemlerning biri bolsimu, lékin ademni ümidsizlendüridighan yéri, sot achmay tutup turush xahishlirining éghirlishishi, kishilik hoquq pa'aliyetchilirini ‘réjimgha élish’, dölet ichidiki axbarat we intérnétke bolghan qattiq kontrolluqlar bularning hemmisini bikar qiliwetmekte".

Xitay hökümiti mezkur teshkilatning doklatigha rediye bérip, özlirining kishilik hoquqni yaxshilashta ilgirilesh hasil qilghanliqini eskertti.

Fransiye agéntliqining 30 ‏- april bergen xewerde xitay tashqi ishlar ministirliqi teminligen melumatlarni neqil keltürüshiche, xitay tashqi ishlar ministirliqi: "xususy teshkilatlar teripidin élan qilin'ghan gheyriy siyasiy muddi'a yoshurun'ghan doklatlar xitayning kishilik hoquqni ilgiri sürüsh jehettiki yüksilishlirining aldini tosup qalalmaydu" dégen.

Lékin xelq'ara kechürüm teshkilati, xitaydiki kishilik hoquq mesilisi jehette xelq'ara olimpik komitéti choqum 2008-yilidiki olimpik yighinigha qeder xitaygha bésim ishlitish kéreklikini bildürdi.(Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.