" ئەنگلىيە شاھزادىسى چارلىز ئولىمپىك مۇراسىمىغا قاتناشمايدۇ "

ئەنگلىيە شاھزادىسى چارلىز بۇ يىل خىتايدا ئۆتكۈزىلىدىغان ئولىمپىك يىغىنىغا بارمايدىغانلىقىنى ئۇقتۇرغاندىن كىيىن، خىتاي دائىرىلىرى ئەنگىلىيە شاھزادىسىنىڭ ئولىمپىك يىغىنىنى ھەرقانداق شەكىلدە بايقۇت قېلىشىنىڭ بىر "ئادالەتسىزلىك" ئىكەنلىكىنى ئوتتۇرىغا قويدى.

فرانسىيە ئاگېنتلىقىدا خەۋەر قىلىنىشىچە، بېيجىڭ ئولىمپىك يىغىنى تەشكىللەش كومىتېتىنىڭ باياناتچىسى ۋاڭ خۇي: "بىز تېخى شاھزادە چارلىزنىڭ بايقۇت قىلىدىغانلىقىنى ئاڭلىمىدۇق. مېنىڭچە، ئولىمپىكنى بايقۇت قىلىش ئادالەتسىز بىر قىلمىش" دېگەن.

ئۇ يەنە، ئولىمپىك يىغىنىنىڭ پەقەت خىتايغا ئەمەس، بەلكى پۈتۈن دۇنياغا تەۋە ئىكەنلىكىنى، شۇڭا ئۇلارنىڭ شوئارىنىڭ "بىر دۇنيا، بىر غايە" ئىكەنلىكىنى ئوتتۇرىغا قويغان.

ئەسلىدە تىبەتكە ئازادلىق تەشكىلاتى ئەنگىلىيە شاھزادىسىگە مەكتۇپ يوللاپ بۇ يىل خىتايدا ئۆتكۈزىلىدىغان ئولىمپىك يىغىنىنى بايقۇت قىلىشىنى تەلەپ قىلغان.

مەلۇم بولۇشىچە، شاھزادىنىڭ مۇئاۋىن خۇسۇسي كاتىپى كلايۋ ئالدېتون تىبەت ھەرىكىتى تەشكىلاتىنىڭ مەكتۇبىغا جاۋاب يوللاپ، ئەنگىلىيە تەخت ۋارىسىنىڭ بېيجىڭ ئولىمپىك يىغىنى ئېچىلىش مۇراسىمىغا بارمايدىغانلىقىنى ئۇقتۇرغان.

خەتتە مۇنداق دېيىلگەن: " سىلەر ئەنگلىيە شاھزادىسىنىڭ 2008- يىللىق بېيجىڭ ئولىمپىك يىغىنىنىڭ ئېچىلىش مۇراسىمىغا قاتنىشىدىغان ياكى قاتناشمايدىغانلىقىنى سوراپسىلەر، شاھزادە ئالىيلىرى ئېچىلىش مۇراسىمىغا قاتناشمايدۇ ."

ئەنگىلىيە شاھزادىسى چارلىز تىبەت مەسىلىسىگە ئەزەلدىن يېقىندىن كۆڭۈل بولۇپ كېلىۋاتقان بولۇپ، ئۇ 2004- يىلى خان سارىيىدا تىبەتلەرنىڭ روھانى داھىيسى دالاي لامانى قوبۇل قىلغان ئىدى. (جۈمە)