" En'gliye shahzadisi charliz olimpik murasimigha qatnashmaydu "
2008.01.28
En'gliye shahzadisi charliz bu yil xitayda ötküzilidighan olimpik yighinigha barmaydighanliqini uqturghandin kiyin, xitay da'iriliri en'giliye shahzadisining olimpik yighinini herqandaq shekilde bayqut qélishining bir "adaletsizlik" ikenlikini otturigha qoydi.
Fransiye agéntliqida xewer qilinishiche, béyjing olimpik yighini teshkillesh komitétining bayanatchisi wang xuy: "biz téxi shahzade charlizning bayqut qilidighanliqini anglimiduq. Méningche, olimpikni bayqut qilish adaletsiz bir qilmish" dégen.
U yene, olimpik yighinining peqet xitaygha emes, belki pütün dunyagha tewe ikenlikini, shunga ularning sho'arining "bir dunya, bir ghaye" ikenlikini otturigha qoyghan.
Eslide tibetke azadliq teshkilati en'giliye shahzadisige mektup yollap bu yil xitayda ötküzilidighan olimpik yighinini bayqut qilishini telep qilghan.
Melum bolushiche, shahzadining mu'awin xususy katipi klayw aldéton tibet herikiti teshkilatining mektubigha jawab yollap, en'giliye text warisining béyjing olimpik yighini échilish murasimigha barmaydighanliqini uqturghan.
Xette mundaq déyilgen: " siler en'gliye shahzadisining 2008- yilliq béyjing olimpik yighinining échilish murasimigha qatnishidighan yaki qatnashmaydighanliqini sorapsiler, shahzade aliyliri échilish murasimigha qatnashmaydu ."
En'giliye shahzadisi charliz tibet mesilisige ezeldin yéqindin köngül bolup kéliwatqan bolup, u 2004- yili xan sariyida tibetlerning rohani dahiysi dalay lamani qobul qilghan idi. (Jüme)
Munasiwetlik maqalilar
- Xitayda kishilik hoquq weziyitini künséri nacharlashmaqta
- Gollandiyidiki olimpik we kishilik hoquq mesilisi heqqidiki yighin xitayni bi'aram qildi
- Gollandiye tashqi ishlar ministirlikining béyjing olimpikini bayqut qilish yumulaq üstel yighinida Uyghur mesilisi diqqetni tartti
- Xelq'ara saqchi: térrorchilar béyjing olimpik yighinigha hujum qilishni pilanlighan bolushi mumkin
- Yawropa parlaménti xelq'ara olimpik komitétini kishilik hoquqi mesiliside xitaygha bésim ishlitishke chaqirdi
- Xitayning olimpik harpisidimu kishilik hoquqni dawamliq depsende qiliwatqanliqi ashkarilanmaqta
- Xelq'ara muxbirlar teshkilati olimpik komitétini xitay mesiliside eyiblidi
- Uyghur ili boks mahirliri chikagoda zeper quchti
- Xongkong démokratiye rehbiri li juming xelq'ara jem'iyetni olimpik mezgilide xitaygha bésim ishlitishke chaqirdi
- Béyjingdiki hawa bulghinishi bir qisim tenheriket türlirining waqtini kéchiktürüshi mumkin