Xitay, pakistan hökümitidin Uyghur pa'aliyetchilerni xitaygha tapshurup bérishini telep qildi


2007-05-17
Share

Xitay pakistan hökümitidin pakistanning afghanistan chégrisidiki qebililer rayonida yoshurun'ghan 20 din artuq Uyghur pa'aliyetchini xitaygha tapshurup bérishini telep qilghan.

Hindistanda chiqidighan kündilik waqit gézitining, pakistan tashqi ishlar minstirliqining ismini ashkarilashni xalimighan bezi xadimlirining sözlirini neqil keltürüshiche, xitay hökümiti, "pakistan hökümiti Uyghur militanlarni tutup xitaygha tapshurup bérishi kérek" dégen.

Xewerde éytilishiche, xitay hökümiti musteqil bir sherqiy türkistan döliti qurush üchün küresh qiliwatqan, sherqiy türkistan islamiy herikitining 20 din artuq ezasining pakistan qebililer rayonida pa'aliyiti dawamlashturuwatqanliqini bildürmekte.

Gerche, pakistan tashqi ishlar minsitirliqining bayanatchisi tesrin eslem, xitay hökümitining bundaq bir telipidin xewersiz ikenlikini bildürgen bolsimu, emma pakistan hökümiti xelq'ara kishilik hoquq teshkilatlirining qarshi chiqishigha qarimay ötmüshte isma'il semet, muhemmet toxti qatarliq nurghunlighan Uyghur pa'aliyetchisini xitaygha qayturup bergen. Xitay hökümiti bu Uyghur pa'aliyetchilirining bezilirini ölüm jazasigha höküm qilip, étip öltürgen bezilirini bolsa muddetsiz qamaq jazasigha höküm qilghan.

Xitay hökümitining paksitan hökümiti teripidin xitaygha qayturup bérilgen isma'il semetni ölüm jazasigha höküm qilip, hökümni ijra qilishi hemde muhemmet toxtini muddetsiz qamaq jazasigha höküm qilishi xelq'ara jama'etning we Uyghur teshkilatlirining qattiq naraziliqini qozghighan.(Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet