Қизил мәсчит вәқәси хитай- пакистан мунасивәтлирини бузди


2007-06-30
Share

Пакистанда чиқидиған " күндилик вақти гезитидә елан қилинған баш мақалидә, қизил мәсчит вәқәсиниң пакистан-хитай мунасивәтлиригә дағ чүшүргәнлики билдүрүлгән.

Мақалидә ейтилишичә, пакистан ички ишлар минситири афтапхан шерпав, хитай зиярити җәрянида, пакистанда масаҗханида ишләйдиған хитай аялларниң қизил мәсчитниң оқуғучилири тәрипидин гөрөгә елиниш вәқәси түпәйлидин, хитай җамаәт хәвипсизлик минстиридин дәккисини, йегән.

Мақалидә билдүрүлишичә, хитайларни гөрүгә елип қизил мәсчиткә қамивалған пакистанлиқ диний оқуғучиларни, хитайларни нишан қилған террорчилар дәп көрсәткән, хитай җамаәт хәвипсизлик минстири, пакистан ички ишлар минстиридин " җинайәтчиләрни җазалишини һәмдә пакистандики хитай пуқралири вә ширкәтлириниң аманлиқи қоғдаш үчүн, җиддий тәдбир елишини тәләп қилған.

Мақалидә гәрчә пакистан ички ишлар минстири хитай тәрәпкә, хитай пуқралириниң вә ширкәтлириниң бихәтәрликигә капаләтлик қилиш үчүн тәдбир алидиғанлиқини вәдә қилған болсиму, әмма бу мәсилидә чоң бир иш қилалмайдиғанлиқини, тәкитләнгән. Мақалида шундақла "чүнки пакистанниң һазирқи сиясий вәзийитидә вәзиристанда хитай инженерлирини гөрәгә алған абдуллаһ мәсуд қатарлиқ кишиләрниң хәлқ алдики образи президент мушәррәптинму юқири" дейилгән.

Пакистан күндилик гезитиниң мақалисидә ейтилишичә, хитай билән мунасивәтләргә алаһидә әһмийәт берип кәлгән пакистан, бу дөләттики диний гуруппиларниң уйғур паалийәтчиләрни қоллашқа башлиши билән қйин әһвалда қалған. Хәлқара мәтбуатларда чиққан хәвәрләргә асасланғанда, пакистан президенти пәрваз мушәррәп, хитай билән болған мунасивәтләргә бәргән әһмийәтни испатлаш үчүн, 2001‏- йили пакистандики бир лагерда тәрбийлиниватқан 19 уйғурни юқ қиливәткән. Шундақла пакистан президенти 2001 вә 2003‏- йиллири хитайни зиярәт қилғинида, хитай рәһбәрлиригә һечқандақ киши вә тәшкилатниң пакистан зиминида хитайға қарши паалийәт елип беришиға йол қоймайдиғанлиқи тоғрисида вәдә бәргән.

Қизил мәсчит вәқәси билән президенти мушәррәпниң йәнә қйин әһвалда қалғанлиқи тәкитләнгән мақалидә, президент мушәрәпниң чарисиз икәнлики, бу мәсилидә хитайниң тәләплирини орундиялмайдиғанлиқи, чүнки пакистандики диний гуруппилар әгәр пакистан бихәтәрлик қисимлири қизил мәсчиткә һуҗум қилса, һөкүмәткә қарши җаһат елан қилидиғанлиқини җакарлиғанлиқи әскәртилгән. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт