Qizil meschit weqesi xitay- pakistan munasiwetlirini buzdi


2007-06-30
Share

Pakistanda chiqidighan " kündilik waqti gézitide élan qilin'ghan bash maqalide, qizil meschit weqesining pakistan-xitay munasiwetlirige dagh chüshürgenliki bildürülgen.

Maqalide éytilishiche, pakistan ichki ishlar minsitiri aftapxan shérpaw, xitay ziyariti jeryanida, pakistanda masajxanida ishleydighan xitay ayallarning qizil meschitning oqughuchiliri teripidin göröge élinish weqesi tüpeylidin, xitay jama'et xewipsizlik minstiridin dekkisini, yégen.

Maqalide bildürülishiche, xitaylarni görüge élip qizil meschitke qamiwalghan pakistanliq diniy oqughuchilarni, xitaylarni nishan qilghan térrorchilar dep körsetken, xitay jama'et xewipsizlik minstiri, pakistan ichki ishlar minstiridin " jinayetchilerni jazalishini hemde pakistandiki xitay puqraliri we shirketlirining amanliqi qoghdash üchün, jiddiy tedbir élishini telep qilghan.

Maqalide gerche pakistan ichki ishlar minstiri xitay terepke, xitay puqralirining we shirketlirining bixeterlikige kapaletlik qilish üchün tedbir alidighanliqini wede qilghan bolsimu, emma bu mesilide chong bir ish qilalmaydighanliqini, tekitlen'gen. Maqalida shundaqla "chünki pakistanning hazirqi siyasiy weziyitide weziristanda xitay inzhénérlirini görege alghan abdullah mes'ud qatarliq kishilerning xelq aldiki obrazi prézidént musherreptinmu yuqiri" déyilgen.

Pakistan kündilik gézitining maqaliside éytilishiche, xitay bilen munasiwetlerge alahide ehmiyet bérip kelgen pakistan, bu dölettiki diniy guruppilarning Uyghur pa'aliyetchilerni qollashqa bashlishi bilen qyin ehwalda qalghan. Xelq'ara metbu'atlarda chiqqan xewerlerge asaslan'ghanda, pakistan prézidénti perwaz musherrep, xitay bilen bolghan munasiwetlerge bergen ehmiyetni ispatlash üchün, 2001‏- yili pakistandiki bir lagérda terbiyliniwatqan 19 Uyghurni yuq qiliwetken. Shundaqla pakistan prézidénti 2001 we 2003‏- yilliri xitayni ziyaret qilghinida, xitay rehberlirige héchqandaq kishi we teshkilatning pakistan ziminida xitaygha qarshi pa'aliyet élip bérishigha yol qoymaydighanliqi toghrisida wede bergen.

Qizil meschit weqesi bilen prézidénti musherrepning yene qyin ehwalda qalghanliqi tekitlen'gen maqalide, prézidént musherepning charisiz ikenliki, bu mesilide xitayning teleplirini orundiyalmaydighanliqi, chünki pakistandiki diniy guruppilar eger pakistan bixeterlik qisimliri qizil meschitke hujum qilsa, hökümetke qarshi jahat élan qilidighanliqini jakarlighanliqi eskertilgen. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet