Хитай, уйғур паалийәтчиләрни тапшуруши һәққидә пакистанға бесим қилмақта


2007.08.11
Share on WhatsApp
Share on WhatsApp

Хәвәрләргә қариғанда, хитай һөкүмити бир нәччә ай бурун тизимликини тапшурған 20 уйғур паалийәтчисини хитайға тапшуруши һәққидә пакистан һөкүмити үстидики бесимни күчәйткән.

Һиндистанниң разветка хәвәрлири тор бетидә елан қилинған бир мақалидә билдүрүлишичә, хитай һөкүмити пакистандин 2008‏-йиллиқ бейҗиң олимпик тәнһәрикәт йеғини башлиништин бурун уйғур паалийәтчиләрни тутуп, хитайға тапшурушини тәләп қилмақта. Сиясий мулаһизичи б. Раман тәрипидин елан қилинған мақалидә ейтилишичә, хитай һөкүмити шәрқий түркистан исламий һәрикити әзаси болған мәзкур уйғур паалийәтчиләрниң бейҗиң олимпик тәнһәрикити җәрянида, хәлқара җамаәтниң диққитини шәрқий түркистан мәсилсигә тартиш үчүн, пакистанниң шималий вәзиристан районида паалийәт елип бериватқан өзбекистан исламий һәрикити билән бирликтә кәң көләмлик партилтиш һәрикәтлири елип беришидин әндишә қилидикән.

Мақалидә тәкитлинишичә, пакистан разветка идарилириниң, һазирғичә бейҗиң һөкүмити тәрипидин хитайға тапшурулуши тәләп қилинған 20 уйғур паалйәтчисиниң һечбирини қолға чүшүрәлмигәнлики, хитай һөкүмитини қаттиқ ғәзәпләндүрмәктә. Мақалидә ейтилишичә, 6‏- авғуст күнидин 8‏- авғуст күнигичә пакистанда зиярәттә болған хитай ярдәмчи ташқи ишлар минстири, пакистан рәһбәрлиридин йәнә бир қетим 2008‏- йиллиқ бейҗиң олимпик тәнһәрикәт йеғини башлиништин бурун пакистандики уйғур паалийәтчиләрни тутуп, хитайға тапшурушини тәләп қилған.

Мақалидә баян қилинишичә, уйғур паалийәтчиләрни қолға чүрүш вә пакистандики хитай пуқралириниң бихәтәрликини қоғдашта аҗиз қалған пакистан һөкүмити, пакистандики хитай пуқралириға қаритилған һуҗумларни, хитай-пакистан мунасивәтлирини бузушни мәқсәт қилған хәлқаралиқ бир сүйқәст дәп, көрситишкә башлиған. (Өмәр қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт