Xitay, Uyghur pa'aliyetchilerni tapshurushi heqqide pakistan'gha bésim qilmaqta


2007-08-11
Share

Xewerlerge qarighanda, xitay hökümiti bir nechche ay burun tizimlikini tapshurghan 20 Uyghur pa'aliyetchisini xitaygha tapshurushi heqqide pakistan hökümiti üstidiki bésimni kücheytken.

Hindistanning razwétka xewerliri tor bétide élan qilin'ghan bir maqalide bildürülishiche, xitay hökümiti pakistandin 2008‏-yilliq béyjing olimpik tenheriket yéghini bashlinishtin burun Uyghur pa'aliyetchilerni tutup, xitaygha tapshurushini telep qilmaqta. Siyasiy mulahizichi b. Raman teripidin élan qilin'ghan maqalide éytilishiche, xitay hökümiti sherqiy türkistan islamiy herikiti ezasi bolghan mezkur Uyghur pa'aliyetchilerning béyjing olimpik tenherikiti jeryanida, xelq'ara jama'etning diqqitini sherqiy türkistan mesilsige tartish üchün, pakistanning shimaliy weziristan rayonida pa'aliyet élip bériwatqan özbékistan islamiy herikiti bilen birlikte keng kölemlik partiltish heriketliri élip bérishidin endishe qilidiken.

Maqalide tekitlinishiche, pakistan razwétka idarilirining, hazirghiche béyjing hökümiti teripidin xitaygha tapshurulushi telep qilin'ghan 20 Uyghur pa'alyetchisining héchbirini qolgha chüshürelmigenliki, xitay hökümitini qattiq ghezeplendürmekte. Maqalide éytilishiche, 6‏- awghust künidin 8‏- awghust künigiche pakistanda ziyarette bolghan xitay yardemchi tashqi ishlar minstiri, pakistan rehberliridin yene bir qétim 2008‏- yilliq béyjing olimpik tenheriket yéghini bashlinishtin burun pakistandiki Uyghur pa'aliyetchilerni tutup, xitaygha tapshurushini telep qilghan.

Maqalide bayan qilinishiche, Uyghur pa'aliyetchilerni qolgha chürüsh we pakistandiki xitay puqralirining bixeterlikini qoghdashta ajiz qalghan pakistan hökümiti, pakistandiki xitay puqralirigha qaritilghan hujumlarni, xitay-pakistan munasiwetlirini buzushni meqset qilghan xelq'araliq bir süyqest dep, körsitishke bashlighan. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet