Пакистанниң қутқузуш буюмлири уйғурларниң көңлини уталамду ?


2007.08.17
Share on WhatsApp
Share on WhatsApp

Бир тәрәптин уйғурларниң пакистандики паалийәтлирини чәкләп, б д т тәрипидин сияси мусапир, дәп тонулған уйғурларни хитайға өткүзүп бериш билән хәлқара кишилик һоқуқи тәшкилатлириниң тәнқидигә учриған пакистан, йәнә бир тәрәптин уйғур аптоном районида апәткә учриған хәлқләргә қутқузуш буюмлири ярдәм қилди. Көзәткүчиләр, пакистанниң ярдими мусапирлар вәқәлиридә пакистандин көңли совуған уйғурларни тәскин тапқузуш мәқситидә елип берилған болуши мумкин, дәп анализ қилишмақта.

Шинхуа ахбарат агентлиқиниң хәвәр қилишичә, хитай хәлқ ишлар министирлики пакистан һөкүмитиниң қутқузуш буюмлар қачиланған бир транспорт айропиланиниң җүмә күни үрүмчигә йетип кәлгәнликини билдүргән. Қутқузуш буюмлири 150 чедир, 1000 данә йотқан, 5 тонна гүрүч, 200 миң таблит су тазилаш дориси қатарлиқларни өз ичигә алған. Бу йил 7 - айда уйғур аптоном райониниң қумул, турпан қатарлиқ җайлирида еғир кәлкүн апити, илида йәр тәврәш апәтлири йүз берип, 38 адәм өлгән иди. Хитай даирилири бу апәтләрдә 150 милйон йүәнлик иқтисадий зиян келип чиққанлиқини елан қилди. Хитай хәлқ ишлар министирлики пакистан қутқузуш буюмлириниң асаслиқи қумулдики су апити болған җайлар вә 7.5 Бал йәр тәврәш вәқәси йүз бәргән илидики апәт районлириға ярдәм қилинидиғанлиқини билдүрмәктә.

Пакистан хитайлар мәбләғ салидиған вә қорал - ярақлар содиси қилидиған әң йеқин шериклиридин бири болупла қалмай, у йәнә шәрқий түркистан күчлирини бастурушта тайинидиған муһим иттипақчилиридин бири болуп, пакистан хитайға өткүзүп бәргән мәмәт тохти яки исмаил сәмәткә охшаш өктичи мусапирларға хитай һөкүмити өлүм җазаси берип етип ташлиған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.