Amérika kéngesh palatasi xitay towarlirigha jazalash xaraktérlik tamozhna béji qoyush qanuni chiqiridighanliqini agahlandurdi


2006.09.15
Share on WhatsApp
Share on WhatsApp

Amérika kéngesh palatasining ikki ezasi xitay puli islahatining qedimi astiliqini seweb qilip, xitay towarlirigha tamozhna béji qoyush qanun layihisi sunidighanliqini agahlandurdi.

Kéngesh palata ezasi charliz shumir we lindséy grahamlarning eskertishiche, ular kéngesh palatasigha xitayning import towarliridin 5.27 Pirsent tamozhna béji élish qanun layihisi sunushqa teyyarlanmaqtiken. Ular bu agahlandurushni amérika maliye ministiri pa'ulsénning kéler hepte xitayda élip baridighan ziyaritidin burun élan qildi.

Charliz shumir we lindséy grahamlarning eskertishiche, amérikining xitay bilen bolghan soda qizil reqimi izchil köpiyiwatqan bolsimu, lékin xelq pulining qimmiti xitayning sodida adaletsiz üstünlükni saqlishigha yardemchi bolmaqta. Ular," biz xitay pulining islahat qedimidin barghanche ümidsizlenmektimiz " deydu.

Lékin xitay hökümiti jüme küni bayanat élan qilip, washin'gtonni pul mesilisidiki ixtilapni sodidiki qizil reqemge baghlash her ikkila terepke ziyan yetküzidu, dep agahlandurdi. Xitay soda ministirliqi bayanatchisi chung chü'en, amérika - xitay sodisidiki hazirqi ixtilapni "normal hadise" dep tekitligen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.