Қазақистан икки нәпәр хитай тәнһәрикәтчини пуқралиққа қобул қилмақчи


2008-03-09
Share

Қазақистан учур агентлиқиниң хәвәр қилишичә, йеқинда қазақистан һөкүмити хитайдин алмутиға келип йәрлишишни халиған хитайниң көзгә көрүнгән еғирлиқ көтүрүш маһирлиридин 22 яшлиқ ю мәйли билән 15 яшлиқ чоңлинни қазақистан пуқралиқиға қобул қилип, уларни қазақистан дөләт командиси тәркибидә олимпик мусабиқисиға қатнаштурушни қарар қилған икән.

Оттура асия учур агентлиқиниң хәвәр қилишичә, бу икки хитай қиз тәнһәрикәтчи хунән өлкисидин кәлгән болуп, ю мәйлиниң бейҗиң олимпик мусабиқисигә қатнишип, қазақистан үчүн нәтиҗә қазинидиғанлиқи пәрәз қилинған. Әмма, 15 яшлиқ чоңлинниң болса, һазирчә бу мусабиқигә қатнишиш яш өлчимигә тошмайдикән.

Мәзкур икки хитай тәнһәрикәтчи хитай командилирида мәхсус тәрбийә көргән болуп, уларниң нәтиҗилири қазақистанда алаһидә орунда туридикән. Йеқинқи йиллардин буян қазақистан русийә, грузийә, өзбекистан, қирғизистан вә башқа дөләтләрниң бир қисим мәшһур тәнһәрикәтчиләрни пуқралиққа қобул қилип, уларни қазақистанға вакалитән хәлқара мусабиқиларға қатнаштурған, қазақистан тәнһәрикәт саһәси чәтәл тәнһәрикәтчилирини пуқралиққа қобул қилиш усули билән өзиниң хәлқара тәнтәрбийә мусабиқилирида нәтиҗә қазинишини қолға кәлтүрмәкчи болған.

Шу сәвәбтин қазақистан мәзкур икки нәпәр хитай тәнһәрикәтчигә мәхсус өй, мааш, йемәк - ичмәк һәм мәхсус тәрҗиман аҗритип, уларниң һалидин хәвәр алған. Бирақ, буларниң хәлқара мусабиқиларда һәқиқәтән чемпийон болуп, қазақистан үчүн шәрәп кәлтүрүши һәққидә сөз ечиш һазирчә балдур һесаблинидикән. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт