Amérika xitayning ötkür herbiy qorallar tereqqiyatigha yéqindin diqqet qiliwatidu


2007-05-25
Share

Amérika dölet mudapi'e ministirliki jüme küni xitayning herbiy küchi heqqide yilliq doklat élan qilip, xitayning herbiy ishlargha dawamliq köplep meblegh ajritiwatqanliqini, xitayning amérika yéqindin diqqet qilidighan ötkür herbiy qorallarni tereqqi qilduruwatqanliqini bildürdi.

Xewerlerde eskertishiche, xitayning déngiz we quruqluqta heriketchan mashina üstidin qoyup bérilidighan shundaqla yadro oq béshi élip yürüdighan ballistik bashqurulidighan bombiliri barghanche amérikining diqqitini qozghimaqta. Chünki bu bombilar bilen amérika tupriqidiki nishanlargha zerbe bergili bolidiken.

Doklatta yene, xitayning sün'iy hemragha qarshi bashqurulidighan bomba siniqi bashqa döletlerge roshen derijide tehdit, dep körsetti. Buningdin sirt xitayning yadro su asti kémilirining tereqqiyat sür'iti amérikini heyran qaldurupla qalmay, amérika tupriqini nishan'gha alalaydighan sherq shamili 31 a belgilik qit'eler- ara bashqurulidighan bombilirimu amérikining diqqitini qozghighan.

Amérika dölet mudapi'e ministiri géytis, peyshenbe küni besh bürjeklik binada ötküzgen melumat bérish yighinida, xitayning herbiy ishlargha dawamliq türde téximu köp meblegh séliwatqanliqini bildürdi. U," amérika xitayning téximu ochuq - ashkare bolushini we xitay herbiy küchini tereqqi qildurushtiki meqsidi we istiratégiyisi téximu ashkare tutushini ümid qilidu, " didi.

Xitay bu yilliq herbiy xam chotini 43 milyard dollar, dep élan qilghan bolsimu, lékin gherblik herbiy küzetküchiler, herbiy xam chotning heqiqi sani buningdin 2 - 3 hesse köp bolushi mümkin, dep perez qilishmaqta. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet