" Талибанлар хитайниң қораллирини ишлитиватиду"


2007.09.04
Share on WhatsApp
Share on WhatsApp

Хәвәрләргә қариғанда , әнгилийә әмәлдарлири талибанларниң хитайда ясалған қораллар билән афғанистандики әнгилийә вә иттипақдаш дөләтләр қисимлириға һуҗум қиливатқанлиқини илгири сүрүп, хитай даирилири билән болған мәхпий сөһбәттә бу мәсилини оттуриға қойған вә хитайниң мунасивәтлик органлири болса вәқәни тәкшүрүшкә вәдә бәргән.

Афғанистандики әнглийә вә америка қисимлири йеқиндин бери талибанлар билән елип барған бир қанчә қетимлиқ тоқунушлардин кейин , талибанлар җәң мәйданиға ташлап кәткән қоралларниң хитайда ясалғанлиқини байқиған. Бу әнгилийә һөкүмитиниң талибанларни хитайда ясалған қораллар билән қоралландуруш мәсилисини тунҗи қетим хитай һөкүмити билән болған сөһбәттә оттуриға қоюши вә хитай даирилиригә наразилиқ билдүрүши болуп һесаблиниду. Әнгилийиниң бир әмәлдари йеқинда хитай ташқи ишлар министирлиқи билән өткүзгән бир сөһбәттә әнгилийиниң бу мәсилигә диққәт қиливатқанлиқини оттуриға қойған.

Хитай ташқи ишлар министирлиқи хитайниң қорал - ярақлар експортида хитай қанунлири вә хәлқара әһдинамиларға қәтий бойсунуватқанлиқини тәкитләп кәлди. Талибанлар йеқиндин бери қолидики қоралларниң наһайити сәрхиллиқини көз - көз қилип келиватқан болсиму, лекин улар бу қоралларниң қәйәрдин кәлгәнликини ашкарилашни рәт қилмақта иди. Бәзи афғанистан әмәлдарлири, талибанларниң қолида хитайда ясалған назук техникилиқ қоралларниң барлиқини, бу қораллар йәрдин һаваға қоюп берилидиған башқурулидиған бомба, зәмбирәк, ракита вә бомба запчаслирини өз ичигә алидиғанлиқини билдүргән.

Б б с ниң бу һәқтики хәвиридә," пакистандики қораллиқ унсурларни һәрбий ярақлар билән тәминләш хитай үчүнму яхши болмаслиқи мумкин. Чүнки йеқинқи бир қанчә йилдин бери пакистандики хитай ишчилар пакистан һәрбий даирилириниң қәбилиләр районидики 'шинҗаңлиқлар" ни қоғлап чиқарғанлиқидин өч алидиған нишан болуп кәлди" дәп язди. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.