Pakistan taliban oqughuchiliri teripidin görüge élin'ghan 6 xitay qoyup bérildi


2007.06.23

Pakistanning radikal diniy oqughuchiliri shenbe küni özliri teripidin görüge élin'ghan 6 si xitay 9 kishini qoyup berdi. Xewerlerde ashkarlinishiche, islam abadtiki oqughuchilar, xitaylar teripidin échilghan bir masajxanigha basturup kirip, masajxanining ademlirini qizil meschitige qamap qoyghan.

Görüge alghuchilar masajxanining emilyette pahishxana ikenlikini bildürgen. Pakistandiki meshhur qizil meschitning bayanatchisi, pakistan da'irilirining mezkur masajxanini taqiwetkenlikini, emma xitay bilen pakistanning munasiwitini nezerde tutup görüge élin'ghanlarni qoyup bergenlikini ilgiri sürgen.

Qizil meschitning muritliri hésablan'ghan oqughuchilar ilgiri pakistan hökümitidin islam qanunini qattiq ijra qilishni telep qilip, islam dinida ayallarning erlerni masaj qilishigha yol qoyulmaydighanliqini, masajni bahane qilip, shehwaniliq heriketlirini élip bérishning gunah bolidighanliqini körsetken.

Royétrs agéntliqi pakistan saqchilirining sözini neqil keltürüp, görüge alghuchilarning taliban oqughuchiliri ikenlikini ashkarilighan shuningdek taliban oqughuchilirining köp qétim, özliri shehwane dep qarighan her xil bezmexana hemde kinoxanilargha hujum qilghanliqini bildürgen.

Bu arida metbu'atlarda yene üch xitay ishchining shimaliy afriqidiki aljiriye dölitide görüge élin'ghanliqini ashkarilidi.

Yéiqindin buyan chet'ellerde her xil ishlar bilen shughulliniwatqan xitaylar, jaylardiki qoralliq küchler teripidin görüge élinmaqta.

Bu yilning béshida aljiryidiki bir xitay néfit shirkitining 9 xadimi görüge élinip, zor küch serp qilinip qutquzuwilin'ghandin kéyin xitaygha qayturulghan idi. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.