Русийә билән хитай алаһидә сақчи қисимлири бирләшмә маневир өткүзмәкчи


2007.09.04
Share on WhatsApp
Share on WhatsApp

Русийә хәвәр агентлиқлириниң тарқатқан хәвиридин мәлум болушичә, русийә ички ишлар алаһидә қисимлири билән хитай алаһидә қораллиқ сақчи қисимлири 6 - сентәбирдә москва әтрапида бирләшмә маневир өткүзиду .

Бу маневир өткән ай бешкәктә өткүзүлгән шаңхәй һәмкарлиқ йиғинида икки дөләт әмәлдарлириниң келишимигә асасән елип берилмақчи болуп , " 7 һәмкарлиқ " дәп нам берилгән бу маневир икки тәрәпниң террорчилиққа қарши ортақ җәң қилиш иқтидарини ашурушни мәқсәт қилған болуп , русийә гезитиниң хәвиридә көрситишичә, хитай бу маневирға " қар йилпизи " намидики қораллиқ алаһидә сақчи қисмидин җәмий йүзгә йеқин қораллиқ сақчини 2 - сентәбир мәхсус һәрбий айропилан билән москваға елип кәлгән.

Бейҗиң вә москва икки тәрәп қораллиқ алаһидә сақчи қисимлири өз ‏- ара қорал ‏- ярақлирини көздин кәчүргән, хитай бу маневирда алаһидә юқири техникилиқ қораллирини намаян қилған . Хәвәрдин мәлум болушичә ,хитай ‏- русийә қораллиқ алаһидә сақчи қисимлириниң бу бирләшмә маневири үч күн давамлишидикән.

Буниң алдида йәни шаңхәй һәмкарлиқ тәшкилатиниң "тинчлиқ бурчи 2007" намлиқ һәрбий маневири9 - авғуст башлинип , 17- авғуст русийиниң челябински области тәвәсидики чебаркул мәшиқ мәйданида аяғлашқан иди. Мәзкур маневирниң ахирқи күнидики мәшиқни шаңхәй һәмкарлиқ тәшкилатиға әза дөләтләрниң рәһбәрлири көздин кәчүргән. Русийә президенти путин :" мәзкур маневирниң бу районда йүз бәргән һәрқандақ террорлуқ һәрикәтлиригә бирликтә қарши турушта зор рол ойнайдиғанлиқи" ни көрсәткән.

Дуня уйғур қурултийи қатарлиқ уйғур тәшкилатлири , шаңхәй һәмкарлиқ тәшкилати һәмдә уларниң елип бериватқан бирләшмә һәрбий маневирлири уйғурларни бастурушини мәқсәт қилған дәп көрсәтмәктә һәмдә шаңхәй һәмкарлиқ тәшкилати, хитай һөкүмитигә өзиниң сиясий, дипломатик вә иқтисади тәсир күчидин пайдилинип уйғур өктичиләрни уйғур елидә вә оттура асияда бастурушқа йол бәрди дәп әйиблимәктә. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт