Русийә дөләт мудапиә миниситири хитайни зиярәт қилди


2004-12-12
Share

Русийә дөләт мудапиә министири сергий иваноф хитай билән болған қорал содисини техиму илгири сүрүш үчүн, йәкшәнбә күни бейҗиңға йитип кәлди.

Америка бирләшмә ахбарат агентлиқиниң хәвиригә қариғанда, сергий иваноф дүшәнбә күни хитай дөләт мудапиә министири сав гаңчүән билән учришип, бирликтә дөләт мудапиә санаити һәмкарлиқини күчәйтиш һәққидики бир йиғинға қатнишидикән.

Хәвәргә қариғанда, сергий иваноф бейҗиңға йитип келиши билән мухбирларниң зияритини қубул қилғанда, " ишинимәнки икки тәрәпниң сөһбити мувәппәқийәтлик болиду вә икки тәрәп һәмкарлиқи үчүн йеңи бошлуқ яритилиду" дигән.

1991 - Йили сабиқ совет иттипақи парчиланғандин буян, хитай русийиниң әң көп қорал сетивалидиған херидариға айланған иди. Хәвәрдә ейтилишичә, русийә билән хитай бу йилниң ичидила 2 милярд долларлиқ қорал содиси қилған.

Хитай билән русийиниң өткән бәш йиллиқ қорал содисиниң соммиси 5 милярд доллардин ошуқ болуп, хитай русийидин су 30 типлиқ күрәшчи айропилан, су асти парахоти вә уруш кемилири қатарлиқ еғир типлиқ қоралларни сетивалған иди. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт