Rusiye dölet mudapi'e minisitiri xitayni ziyaret qildi

Rusiye dölet mudapi'e ministiri sérgiy iwanof xitay bilen bolghan qoral sodisini téximu ilgiri sürüsh üchün, yekshenbe küni béyjinggha yitip keldi.

Amérika birleshme axbarat agéntliqining xewirige qarighanda, sérgiy iwanof düshenbe küni xitay dölet mudapi'e ministiri saw gangchü'en bilen uchriship, birlikte dölet mudapi'e sana'iti hemkarliqini kücheytish heqqidiki bir yighin'gha qatnishidiken.

Xewerge qarighanda, sérgiy iwanof béyjinggha yitip kélishi bilen muxbirlarning ziyaritini qubul qilghanda, " ishinimenki ikki terepning söhbiti muweppeqiyetlik bolidu we ikki terep hemkarliqi üchün yéngi boshluq yaritilidu" digen.

1991 - Yili sabiq sowét ittipaqi parchilan'ghandin buyan, xitay rusiyining eng köp qoral sétiwalidighan xéridarigha aylan'ghan idi. Xewerde éytilishiche, rusiye bilen xitay bu yilning ichidila 2 milyard dollarliq qoral sodisi qilghan.

Xitay bilen rusiyining ötken besh yilliq qoral sodisining sommisi 5 milyard dollardin oshuq bolup, xitay rusiyidin su 30 tipliq küreshchi ayropilan, su asti paraxoti we urush kémiliri qatarliq éghir tipliq qorallarni sétiwalghan idi. (Arzu)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar