Xitay bilen rusiye tunji qétimliq birleshme herbiy meshqi ötküzmekchi


2004-12-13
Share

Rusiye dölet mudapi'e ministiri sérgéy iwanow xitayni ziyaret qiliwatqan mezgilde ikki terep 2005 - yili tunji qétimliq birleshme herbiy meshqi ötküzüshni qarar qildi.

Amérika birleshme axbarat agéntliqining xewirige qarighanda, birleshme herbiy meshqning xitay térritoriyiside ötküzilidighanliqi bildürülgen bolsimu, emma xitayning qaysi yéride we qachan élip bérilidighanliqi tepsiliy körsitilmigen.

Xitay dölet re'isi xu jintaw düshenbe küni sérgéy iwanowning ziyaritini qobul qilip, rusiyining her yili xitaygha sétip béridighan qorallirining miqdarini téximu köpeytish heqqide söhbetleshti.

Xu jintaw sérgéy iwanowgha qilghan sözide, "biz rayonning we xelq'araning tinchliqini qoghdash üchün ikki döletning stratégiyilik hemkarliq munasiwitini téximu tereqqiy qildurushni xalaymiz" dep bildürdi.

1989 - Yilidiki tyen'enmén oqughuchilar weqesidin kéyin, amérika we yawropa birliki xitaygha qoral sétip bérishni chekligen idi. Emma buning eksiche rusiye izchil türde xitaygha éghir tiptiki qorallarni sétip keldi.

Rusiye dölet mudapi'e ministiri sérgéy iwanow düshenbe küni yene xitay dölet mudapi'e ministiri saw gu'angchwen we mu'awin re'is go boshyong qatarliqlar bilen körüshti. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet