پۇتىن موسكۋادا خىتاي دۆلەت مۇداپىئە مىنىستىرى بىلەن كۆرۈشتى


2005-09-07
Share

رۇسىيە پرېزىدېنتى ۋىلادېمىر پۇتىن چارشەنبە كۈنى رۇسىيىنى زىيارەت قىلىۋاتقان خىتاي دۆلەت مۇداپىئە مىنىستىرى ساۋ گۇئاڭچۈئەن بىلەن كۆرۈشۈپ، ئىككى دۆلەت مۇناسىۋىتىنىڭ تارىخىي پەللىگە چىققانلىقىنى بىلدۈردى.

ئامېرىكا بىرلەشمە ئاخبارات ئاگېنتلىقىنىڭ خەۋىرىگە قارىغاندا، پۇتىن ساۋگۇئاڭچۈئەنگە "ئىككى ھەپتە ئاۋالقى بىرلەشمە ھەربىي مانېۋىر ئىككى دۆلەت ئوتتۇرىسىدىكى ئىشەنچنىڭ يۇقىرى دەرىجىگە يەتكەنلىكىنى ئىسپاتلايدۇ" دەپ بىلدۈرگەن.

رۇسىيىدىكى زىيارىتىنى داۋاملاشتۇرىۋاتقان خىتاي دۆلەت مۇداپىئە مىنىستىرى ساۋ گۇئاڭچۈئەن بۇنىڭ ئالدىدا، رۇسىيە دۆلەت مۇداپىئە مىنىستىرى سېرگىي ئىۋانوف بىلەن كۆرۈشكەن ئىدى. ئۇلار ئىككى دۆلەتنىڭ ھەربىي تېخنىكا ۋە ھەربىي قورال- ياراقلار سودىسىنى ئىلگىرى سۈرۈش قاتارلىق مەسىلىلەر ھەققىدە سۆھبەت ئۆتكۈزگەن. كۆزەتكۈچىلەر، ساۋ گۇئاڭچۈئەننىڭ بۇ سەپىرىدە رۇسىيىدىن بىر قاتار ئىلغار قوراللارنى سېتىۋېلىشى مۇمكىنلىكىنى بىلدۈرمەكتە. (ئارزۇ)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت